Oisha (roziyallohu anho)dan rivoyat qilinadi: Zayd ibn Horisa, Jaʼfar ibn Abu Tolib va Abdulloh ibn Ravohaning oʻlim xabari kelganida, Rasululloh ﷺ oʻtirdilar, chehralarida gʻam-anduh bilinib turardi. Men eshik tirqishidan qarab turardim. Bir kishi kelib: «Jaʼfarning ayollari yigʻlayapti», dedi. Rasululloh ﷺ: «Bor, ularni yigʻlashdan qaytar», dedilar. U bordi, soʻng qaytib kelib: «Ularni qaytardim, biroq ular toʻxtashdan bosh tortishdi», dedi. U zot: «Bor, ularni qaytar», dedilar. U bordi, soʻng qaytib kelib: «Ularni qaytardim, biroq ular toʻxtashdan bosh tortishdi», dedi. U zot: «Bor, ularning ogʻizlariga tuproq sochib qoʻy», dedilar. Oisha aytdi: Men: «Alloh yiroqdagining burnini yerga ishqasin! Vallohi, sen Rasulullohﷺni ham qoʻymayapsan, buni bajaradigan ham emassan», dedim.Оиша (розияллоҳу анҳо)дан ривоят қилинади: Зайд ибн Ҳориса, Жаъфар ибн Абу Толиб ва Абдуллоҳ ибн Равоҳанинг ўлим хабари келганида, Расулуллоҳ ﷺ ўтирдилар, чеҳраларида ғам-андуҳ билиниб турарди. Мен эшик тирқишидан қараб турардим. Бир киши келиб: «Жаъфарнинг аёллари йиғлаяпти», деди. Расулуллоҳ ﷺ: «Бор, уларни йиғлашдан қайтар», дедилар. У борди, сўнг қайтиб келиб: «Уларни қайтардим, бироқ улар тўхташдан бош тортишди», деди. У зот: «Бор, уларни қайтар», дедилар. У борди, сўнг қайтиб келиб: «Уларни қайтардим, бироқ улар тўхташдан бош тортишди», деди. У зот: «Бор, уларнинг оғизларига тупроқ сочиб қўй», дедилар. Оиша айтди: Мен: «Аллоҳ йироқдагининг бурнини ерга ишқасин! Валлоҳи, сен Расулуллоҳﷺни ҳам қўймаяпсан, буни бажарадиган ҳам эмассан», дедим.