Abu Umama ibn Sahl ibn Hunayf (rahimahulloh)dan rivoyat qilinadi: Bir kambagʻal ayol kasal boʻlib qoldi. Rasululloh ﷺga uning kasalligi haqida xabar berildi. Rasululloh ﷺ kambagʻallarni yoʻqlab borar va ular haqida soʻrar edilar. Rasululloh ﷺ: «Agar u vafot etsa, menga xabar beringlar», dedilar. Uning janozasi kechasi olib chiqildi va sahobalar Rasululloh ﷺni uygʻotishni yoqtirmadilar. Rasululloh ﷺ tongga chiqqanlarida, u ayolga nima boʻlgani haqida xabar berildi. Shunda u zot: «Men sizlarga u haqida menga xabar berishni buyurmaganmidim?», dedilar. Ular: «Ey Rasululloh, sizni kechasi uygʻotishni yoqtirmadik», dedilar. Bas, Rasululloh ﷺ chiqib, uning qabri oldida odamlarni saf qildilar va toʻrt marta takbir aytdilar.Абу Умама ибн Саҳл ибн Ҳунайф (раҳимаҳуллоҳ)дан ривоят қилинади: Бир камбағал аёл касал бўлиб қолди. Расулуллоҳ ﷺга унинг касаллиги ҳақида хабар берилди. Расулуллоҳ ﷺ камбағалларни йўқлаб борар ва улар ҳақида сўрар эдилар. Расулуллоҳ ﷺ: «Агар у вафот этса, менга хабар беринглар», дедилар. Унинг жанозаси кечаси олиб чиқилди ва саҳобалар Расулуллоҳ ﷺни уйғотишни ёқтирмадилар. Расулуллоҳ ﷺ тонгга чиққанларида, у аёлга нима бўлгани ҳақида хабар берилди. Шунда у зот: «Мен сизларга у ҳақида менга хабар беришни буюрмаганмидим?», дедилар. Улар: «Эй Расулуллоҳ, сизни кечаси уйғотишни ёқтирмадик», дедилар. Бас, Расулуллоҳ ﷺ чиқиб, унинг қабри олдида одамларни саф қилдилар ва тўрт марта такбир айтдилар.