Abu Umoma ibn Sahl ibn Hunayf (roziyallohu anhu)dan rivoyat qilinadi: Avoliyda bir kambagʻal ayol kasal boʻlib qoldi. Paygʻambar ﷺ uning ahvolini soʻrab turar edilar va: «Agar u vafot etsa, men unga namoz oʻqimagunimcha uni dafn qilmanglar», dedilar. Ayol vafot etdi va uni tun qorongʻusi kirgach Madinaga olib keldilar. Rasululloh ﷺni uyquga ketgan holda topdilar va u zotni uygʻotishni yoqtirmadilar. Shunda unga namoz oʻqib, Baqiul-Gʻarqadda dafn qildilar. Rasululloh ﷺ tongda uygʻonganlarida, ular kelishdi, u zot ularning ayol haqida soʻradilar. Ular: «Ey Allohning Rasuli, u dafn qilindi. Biz sizning oldingizga kelib, uyquga ketgan holda topgan edik, sizni uygʻotishni yoqtirmadik», dedilar. U zot: «Yuringlar», dedilar. Soʻng u zot piyoda yurdilar, ular ham u zot bilan birga yurishdi, toki uning qabrini koʻrsatishdi. Rasululloh ﷺ turdilar, ular u zotning ortida saf tortishdi, u zot unga namoz oʻqib, toʻrt marta takbir aytdilar.Абу Умома ибн Саҳл ибн Ҳунайф (розияллоҳу анҳу)дан ривоят қилинади: Аволийда бир камбағал аёл касал бўлиб қолди. Пайғамбар ﷺ унинг аҳволини сўраб турар эдилар ва: «Агар у вафот этса, мен унга намоз ўқимагунимча уни дафн қилманглар», дедилар. Аёл вафот этди ва уни тун қоронғуси киргач Мадинага олиб келдилар. Расулуллоҳ ﷺни уйқуга кетган ҳолда топдилар ва у зотни уйғотишни ёқтирмадилар. Шунда унга намоз ўқиб, Бақиул-Ғарқадда дафн қилдилар. Расулуллоҳ ﷺ тонгда уйғонганларида, улар келишди, у зот уларнинг аёл ҳақида сўрадилар. Улар: «Эй Аллоҳнинг Расули, у дафн қилинди. Биз сизнинг олдингизга келиб, уйқуга кетган ҳолда топган эдик, сизни уйғотишни ёқтирмадик», дедилар. У зот: «Юринглар», дедилар. Сўнг у зот пиёда юрдилар, улар ҳам у зот билан бирга юришди, токи унинг қабрини кўрсатишди. Расулуллоҳ ﷺ турдилар, улар у зотнинг ортида саф тортишди, у зот унга намоз ўқиб, тўрт марта такбир айтдилар.