Musayyab (roziyallohu anhu)dan rivoyat qilinadi: Abu Tolibning vafoti yaqinlashganda, Nabiy ﷺ uning oldiga kirdilar. Uning yonida Abu Jahl va Abdulloh ibn Abu Umayya bor edi. U zot: «Ey amaki, Lo ilaha illalloh soʻzini ayting, men u bilan Alloh azza va jalla huzurida sizni himoya qilaman», dedilar. Abu Jahl va Abdulloh ibn Abu Umayya unga: «Ey Abu Tolib, Abdulmuttalibning millatidan yuz oʻgirasanmi?» deyishdi. Ular u bilan gaplashishdan toʻxtamadilar, hatto uning oxirgi aytgan soʻzi: ‹Abdulmuttalibning millati uzra›, degani boʻldi. Shunda Nabiy ﷺ unga: «Men sizga qaytarilmagunimcha, albatta magʻfirat soʻrayman», dedilar. Bas, {Nabiy va iymon keltirganlar uchun mushriklarga magʻfirat soʻrash joiz emas} oyati va {Albatta sen oʻzing suygan kishini hidoyatga sololmaysan} oyati nozil boʻldi.Мусайяб (розияллоҳу анҳу)дан ривоят қилинади: Абу Толибнинг вафоти яқинлашганда, Набий ﷺ унинг олдига кирдилар. Унинг ёнида Абу Жаҳл ва Абдуллоҳ ибн Абу Умайя бор эди. У зот: «Эй амаки, Ло илаҳа иллаллоҳ сўзини айтинг, мен у билан Аллоҳ азза ва жалла ҳузурида сизни ҳимоя қиламан», дедилар. Абу Жаҳл ва Абдуллоҳ ибн Абу Умайя унга: «Эй Абу Толиб, Абдулмутталибнинг миллатидан юз ўгирасанми?» дейишди. Улар у билан гаплашишдан тўхтамадилар, ҳатто унинг охирги айтган сўзи: ‹Абдулмутталибнинг миллати узра›, дегани бўлди. Шунда Набий ﷺ унга: «Мен сизга қайтарилмагунимча, албатта мағфират сўрайман», дедилар. Бас, {Набий ва иймон келтирганлар учун мушрикларга мағфират сўраш жоиз эмас} ояти ва {Албатта сен ўзинг суйган кишини ҳидоятга сололмайсан} ояти нозил бўлди.