Abdulloh ibn Amr (roziyallohu anhumo)dan rivoyat qilinadiki, u shunday dedi: Rasulullohﷺga mening roʻzam haqida aytildi. Shunda u zot huzurimga kirdilar. Men u zotga xurmo tolasi bilan toʻldirilgan teridan tikilgan yostiqni tashladim. U zot yerga oʻtirdilar va yostiq men bilan u zotning oramizda qoldi. U zot: «Sen uchun har oyda uch kun kifoya qilmaydimi?», dedilar. Men: «Ey Rasululloh!», dedim. U zot: «Besh kun», dedilar. Men: «Ey Rasululloh!», dedim. U zot: «Yetti kun», dedilar. Men: «Ey Rasululloh!», dedim. U zot: «Toʻqqiz kun», dedilar. Men: «Ey Rasululloh!», dedim. U zot: «Oʻn bir kun», dedilar. Men: «Ey Rasululloh!», dedim. Shunda Nabiy ﷺ: «Dovudning roʻzasidan afzal roʻza yoʻq, u umrning yarmi edi: bir kun roʻza tutish va bir kun ochilish», dedilar.Абдуллоҳ ибн Амр (розияллоҳу анҳумо)дан ривоят қилинадики, у шундай деди: Расулуллоҳﷺга менинг рўзам ҳақида айтилди. Шунда у зот ҳузуримга кирдилар. Мен у зотга хурмо толаси билан тўлдирилган теридан тикилган ёстиқни ташладим. У зот ерга ўтирдилар ва ёстиқ мен билан у зотнинг орамизда қолди. У зот: «Сен учун ҳар ойда уч кун кифоя қилмайдими?», дедилар. Мен: «Эй Расулуллоҳ!», дедим. У зот: «Беш кун», дедилар. Мен: «Эй Расулуллоҳ!», дедим. У зот: «Етти кун», дедилар. Мен: «Эй Расулуллоҳ!», дедим. У зот: «Тўққиз кун», дедилар. Мен: «Эй Расулуллоҳ!», дедим. У зот: «Ўн бир кун», дедилар. Мен: «Эй Расулуллоҳ!», дедим. Шунда Набий ﷺ: «Довуднинг рўзасидан афзал рўза йўқ, у умрнинг ярми эди: бир кун рўза тутиш ва бир кун очилиш», дедилар.