Jobir ibn Abdulloh (roziyallohu anhumo)dan rivoyat qilinadi: Rasululloh ﷺ shunday dedilar: «Tuya, qoramol yoki qoʻyi boʻlib, ularning haqqini ado etmagan har bir kishi, albatta, qiyomat kuni keng tekislikda ular uchun toʻxtatib qoʻyiladi. Tuvoqlilari uni tuvoqlari bilan bosib toptaydi, shohlilari uni shohlari bilan suzadi. Oʻsha kuni ularning orasida na shohsizi, na shohi singani boʻlmaydi». Biz: «Yo Rasululloh, ularning haqqi nima?» dedik. U zot: «Erkagini juftlashtirishga berish, chelagini ariyat qilib berish va Alloh yoʻlida ularga yuk ortishdir. Moli boʻlib, uning haqqini ado etmagan har bir kishiga esa qiyomat kuni yalangboʻyin ilon suratlantirilib koʻrsatiladi. Egasi undan qochadi, u esa egasiga ergashib: ‹Bu sen bermay ziqnalik qilgan xaznangdir›, deydi. Egasi undan qutulishning iloji yoʻqligini koʻrgach, qoʻlini uning ogʻziga soladi, u esa buqa chaynaganidek uni chaynay boshlaydi», dedilar.Жобир ибн Абдуллоҳ (розияллоҳу анҳумо)дан ривоят қилинади: Расулуллоҳ ﷺ шундай дедилар: «Туя, қорамол ёки қўйи бўлиб, уларнинг ҳаққини адо этмаган ҳар бир киши, албатта, қиёмат куни кенг текисликда улар учун тўхтатиб қўйилади. Тувоқлилари уни тувоқлари билан босиб топтайди, шоҳлилари уни шоҳлари билан сузади. Ўша куни уларнинг орасида на шоҳсизи, на шоҳи сингани бўлмайди». Биз: «Ё Расулуллоҳ, уларнинг ҳаққи нима?» дедик. У зот: «Эркагини жуфтлаштиришга бериш, челагини арият қилиб бериш ва Аллоҳ йўлида уларга юк ортишдир. Моли бўлиб, унинг ҳаққини адо этмаган ҳар бир кишига эса қиёмат куни ялангбўйин илон суратлантирилиб кўрсатилади. Эгаси ундан қочади, у эса эгасига эргашиб: ‹Бу сен бермай зиқналик қилган хазнангдир›, дейди. Эгаси ундан қутулишнинг иложи йўқлигини кўргач, қўлини унинг оғзига солади, у эса буқа чайнаганидек уни чайнай бошлайди», дедилар.