Ibn Abbos (roziyallohu anhumo)dan rivoyat qilinadi: Abdurrahmon ibn Avf va uning bir necha sahobalari Makkada Nabiy ﷺ huzurlariga kelib: «Yo Rasululloh, biz mushrik boʻlganimizda izzatli edik, iymon keltirganimizdan soʻng xor boʻlib qoldik», dedilar. U zot: «Men avf etishga buyurildim, shuning uchun jang qilmanglar», dedilar. Alloh bizni Madinaga koʻchirganida, jang qilishga buyurdi, ammo (baʼzilar) tiyilib qoldilar. Shunda Alloh azza va jalla: {Oʻzlariga: ‹Qoʻllaringizni (jangdan) tiyinglar va namozni barpo qilinglar› deyilganlarni koʻrmadingmi?} degan (oyat)ni nozil qildi.Ибн Аббос (розияллоҳу анҳумо)дан ривоят қилинади: Абдурраҳмон ибн Авф ва унинг бир неча саҳобалари Маккада Набий ﷺ ҳузурларига келиб: «Ё Расулуллоҳ, биз мушрик бўлганимизда иззатли эдик, иймон келтирганимиздан сўнг хор бўлиб қолдик», дедилар. У зот: «Мен авф этишга буюрилдим, шунинг учун жанг қилманглар», дедилар. Аллоҳ бизни Мадинага кўчирганида, жанг қилишга буюрди, аммо (баъзилар) тийилиб қолдилар. Шунда Аллоҳ азза ва жалла: {Ўзларига: ‹Қўлларингизни (жангдан) тийинглар ва намозни барпо қилинглар› дейилганларни кўрмадингми?} деган (оят)ни нозил қилди.