Abu Hurayra (roziyallohu anhu)dan rivoyat qilinadi: Bir kishi Nabiy ﷺ minbarda xutba qilib turganlarida u zotning oldilariga kelib: «Aytingchi, agar men Alloh yoʻlida sabr qilib, ajr umid qilib, dushmanga yuzlanib, qochmasdan jang qilsam, Alloh mening yomonliklarimni kechiradimi?» dedi. U zot: «Ha», dedilar. Soʻng bir muddat sukut qilib turdilar-da: «Hozirgina soʻragan kishi qani?» dedilar. U kishi: «Mana men», dedi. U zot: «Nima deb soʻragan eding?» dedilar. U: «Aytingchi, agar men Alloh yoʻlida sabr qilib, ajr umid qilib, dushmanga yuzlanib, qochmasdan jang qilib oʻldirilsam, Alloh mening yomonliklarimni kechiradimi?» dedi. U zot: «Ha, faqat qarz bundan mustasno. Hozirgina Jibril menga buni sirlashib aytdi», dedilar.Абу Ҳурайра (розияллоҳу анҳу)дан ривоят қилинади: Бир киши Набий ﷺ минбарда хутба қилиб турганларида у зотнинг олдиларига келиб: «Айтингчи, агар мен Аллоҳ йўлида сабр қилиб, ажр умид қилиб, душманга юзланиб, қочмасдан жанг қилсам, Аллоҳ менинг ёмонликларимни кечирадими?» деди. У зот: «Ҳа», дедилар. Сўнг бир муддат сукут қилиб турдилар-да: «Ҳозиргина сўраган киши қани?» дедилар. У киши: «Мана мен», деди. У зот: «Нима деб сўраган эдинг?» дедилар. У: «Айтингчи, агар мен Аллоҳ йўлида сабр қилиб, ажр умид қилиб, душманга юзланиб, қочмасдан жанг қилиб ўлдирилсам, Аллоҳ менинг ёмонликларимни кечирадими?» деди. У зот: «Ҳа, фақат қарз бундан мустасно. Ҳозиргина Жибрил менга буни сирлашиб айтди», дедилар.