Umm Habiba (roziyallohu anho)dan rivoyat qilinadiki, u: «Ey Allohning Rasuli, singlim haqida nima fikrdasiz?», dedi. U zot: «Nima qilay?», dedilar. U: «Unga uylaning», dedi. U zot: «Bu senga yoqadimi?», dedilar. U: «Ha, men sizga yolgʻiz egalik qilib turganim yoʻq, yaxshilikda menga sherik boʻladigan eng suyukli kishi — singlimdir», dedi. U zot: «U menga halol emas», dedilar. U: «Menga sizning Durra binti Umm Salamaga sovchilik qilmoqchi ekaningiz haqida xabar yetdi», dedi. U zot: «Abu Salamaning qizinimi?», dedilar. U: «Ha», dedi. U zot: «Allohga qasamki, u mening oʻgay qizim boʻlmaganida ham menga halol boʻlmasdi. Zero u mening sut ogʻamning qizidir. Bas, menga qizlaringizni ham, singillaringizni ham taklif qilmanglar», dedilar.Умм Ҳабиба (розияллоҳу анҳо)дан ривоят қилинадики, у: «Эй Аллоҳнинг Расули, синглим ҳақида нима фикрдасиз?», деди. У зот: «Нима қилай?», дедилар. У: «Унга уйланинг», деди. У зот: «Бу сенга ёқадими?», дедилар. У: «Ҳа, мен сизга ёлғиз эгалик қилиб турганим йўқ, яхшиликда менга шерик бўладиган энг суюкли киши — синглимдир», деди. У зот: «У менга ҳалол эмас», дедилар. У: «Менга сизнинг Дурра бинти Умм Саламага совчилик қилмоқчи эканингиз ҳақида хабар етди», деди. У зот: «Абу Саламанинг қизиними?», дедилар. У: «Ҳа», деди. У зот: «Аллоҳга қасамки, у менинг ўгай қизим бўлмаганида ҳам менга ҳалол бўлмасди. Зеро у менинг сут оғамнинг қизидир. Бас, менга қизларингизни ҳам, сингилларингизни ҳам таклиф қилманглар», дедилар.