Anas ibn Molik (roziyallohu anhu)dan rivoyat qilinadi: Rasululloh ﷺ uylanib, ahllari bilan qoʻshildilar. Onam Ummu Sulaym xays tayyorladi. Men uni Rasululloh ﷺ huzuriga olib bordim va: «Onam sizga salom aytdi va ‹bu bizdan sizga oz narsa› dedi», dedim. U zot: «Uni qoʻy», dedilar. Soʻng: «Bor, falonchi va falonchini hamda uchratganingni chaqir», dedilar va bir necha kishilarning nomini aytdilar. Men u zot nomlarini aytgan va yoʻlda uchratgan kishilarni chaqirdim. Anasdan: «Ular necha kishi edi?» deb soʻralganida, u: «Taxminan uch yuzcha», dedi. Rasululloh ﷺ: «Har oʻntadan halqa boʻlib oʻtirsinlar va har bir kishi oʻz oldidagidan yesin», dedilar. Ular toʻyib yeguncha yedilar. Bir guruh chiqib, boshqa guruh kirdi. U zot menga: «Ey Anas, koʻtar», dedilar. Men koʻtardim. Koʻtarganimda taom koʻproq edimi yo qoʻyganimda koʻproq edimi, bilmayman.Анас ибн Молик (розияллоҳу анҳу)дан ривоят қилинади: Расулуллоҳ ﷺ уйланиб, аҳллари билан қўшилдилар. Онам Умму Сулайм хайс тайёрлади. Мен уни Расулуллоҳ ﷺ ҳузурига олиб бордим ва: «Онам сизга салом айтди ва ‹бу биздан сизга оз нарса› деди», дедим. У зот: «Уни қўй», дедилар. Сўнг: «Бор, фалончи ва фалончини ҳамда учратганингни чақир», дедилар ва бир неча кишиларнинг номини айтдилар. Мен у зот номларини айтган ва йўлда учратган кишиларни чақирдим. Анасдан: «Улар неча киши эди?» деб сўралганида, у: «Тахминан уч юзча», деди. Расулуллоҳ ﷺ: «Ҳар ўнтадан ҳалқа бўлиб ўтирсинлар ва ҳар бир киши ўз олдидагидан есин», дедилар. Улар тўйиб егунча едилар. Бир гуруҳ чиқиб, бошқа гуруҳ кирди. У зот менга: «Эй Анас, кўтар», дедилар. Мен кўтардим. Кўтарганимда таом кўпроқ эдими ё қўйганимда кўпроқ эдими, билмайман.