Oisha (roziyallohu anho)dan rivoyat qilinadi: Nabiy ﷺ Zaynab bint Jahsh huzurida turar va uning oldida asal ichar edilar. Men bilan Hafsa til biriktirib qoʻydik: qaysimizning oldimizga Nabiy ﷺ kirsalar, u: «Men sizdan magʻofir hidini sezyapman, magʻofir yediltingizmi?» desin, deb kelishdik. U zot ulardan birining oldiga kirdilar, u shunday dedi. Shunda u zot: «Yoʻq, balki Zaynab huzurida asal ichdim, ammo endi buni takrorlamayman», dedilar. Shunda: {Ey Paygʻambar! Allohning senga halol qilgan narsasini nega harom qilasan?} (Tahrim 1) va Oisha bilan Hafsa haqida {Agar ikkovingiz Allohga tavba qilsangiz} (Tahrim 4) hamda u zotning «Balki asal ichdim» degan soʻzlari haqida {Paygʻambar oʻz juftlaridan biriga bir sirni aytib qoʻygan edi} (Tahrim 3) oyatlari nozil boʻldi.Оиша (розияллоҳу анҳо)дан ривоят қилинади: Набий ﷺ Зайнаб бинт Жаҳш ҳузурида турар ва унинг олдида асал ичар эдилар. Мен билан Ҳафса тил бириктириб қўйдик: қайсимизнинг олдимизга Набий ﷺ кирсалар, у: «Мен сиздан мағофир ҳидини сезяпман, мағофир едилтингизми?» десин, деб келишдик. У зот улардан бирининг олдига кирдилар, у шундай деди. Шунда у зот: «Йўқ, балки Зайнаб ҳузурида асал ичдим, аммо энди буни такрорламайман», дедилар. Шунда: {Эй Пайғамбар! Аллоҳнинг сенга ҳалол қилган нарсасини нега ҳаром қиласан?} (Таҳрим 1) ва Оиша билан Ҳафса ҳақида {Агар икковингиз Аллоҳга тавба қилсангиз} (Таҳрим 4) ҳамда у зотнинг «Балки асал ичдим» деган сўзлари ҳақида {Пайғамбар ўз жуфтларидан бирига бир сирни айтиб қўйган эди} (Таҳрим 3) оятлари нозил бўлди.