Jobir ibn Abdulloh (roziyallohu anhumo)dan rivoyat qilinadi: Otasi Uhud kunida shahid boʻlib, olti qiz va oʻzida qarz qoldirib ketdi. «Xurmo terish vaqti kelganda, Rasululloh ﷺ oldilariga borib: ‹Bilasizki, otam Uhud kunida shahid boʻlib, koʻp qarz qoldirib ketdi. Qarz egalari sizni koʻrishlarini istayman›, dedim. U zot: ‹Boravergin va har xil xurmoni bir chetga alohida uyub qoʻygin›, dedilar. Men shunday qildim, soʻng u zotni chaqirdim. Ular u zotni koʻrishgach, oʻsha payt goʻyo menga qattiqroq talab qila boshlashdi. U zot ularning nima qilayotganini koʻrib, uning eng katta uyumi atrofini uch marta aylandilar, soʻng uning ustiga oʻtirdilar-da: ‹Sheriklaringni chaqir›, dedilar. Soʻng ularga oʻlchab bera boshladilar, nihoyat Alloh otamning omonatini ado qildi. Men Alloh otamning omonatini ado qilishiga rozi edim. Bir dona xurmo ham kamaymadi», dedi.Жобир ибн Абдуллоҳ (розияллоҳу анҳумо)дан ривоят қилинади: Отаси Уҳуд кунида шаҳид бўлиб, олти қиз ва ўзида қарз қолдириб кетди. «Хурмо териш вақти келганда, Расулуллоҳ ﷺ олдиларига бориб: ‹Биласизки, отам Уҳуд кунида шаҳид бўлиб, кўп қарз қолдириб кетди. Қарз эгалари сизни кўришларини истайман›, дедим. У зот: ‹Боравергин ва ҳар хил хурмони бир четга алоҳида уюб қўйгин›, дедилар. Мен шундай қилдим, сўнг у зотни чақирдим. Улар у зотни кўришгач, ўша пайт гўё менга қаттиқроқ талаб қила бошлашди. У зот уларнинг нима қилаётганини кўриб, унинг энг катта уюми атрофини уч марта айландилар, сўнг унинг устига ўтирдилар-да: ‹Шерикларингни чақир›, дедилар. Сўнг уларга ўлчаб бера бошладилар, ниҳоят Аллоҳ отамнинг омонатини адо қилди. Мен Аллоҳ отамнинг омонатини адо қилишига рози эдим. Бир дона хурмо ҳам камаймади», деди.