Jobir ibn Abdulloh (roziyallohu anhumo)dan rivoyat qilinadi: Otam qarzdor holida vafot etdi. Men uning qarzdorlariga qarzi evaziga meva olishni taklif qildim, ammo ular buni qarzni qoplamaydi deb rad etdilar. Rasululloh ﷺ huzurlariga borib buni aytdim. U zot: «Xurmoni terib, mirbadga (xurmo quritiladigan joyga) qoʻyganingda menga xabar qil», dedilar. Men uni terib mirbadga qoʻygach, Rasululloh ﷺ huzurlariga bordim. U zot Abu Bakr va Umar bilan birga keldilar, uning ustiga oʻtirib baraka soʻrab duo qildilar. Soʻng: «Qarzdorlaringni chaqirib, haqlarini toʻla», dedilar. Men otamning qarzi boʻlgan hech kimni qoldirmay hammasini uzdim va menga oʻn uch vasq ortib qoldi. Buni u zotga aytdim, u zot kulib: «Abu Bakr va Umar oldiga borib, buni ularga xabar qil», dedilar. Men Abu Bakr va Umar oldiga borib ularga xabar qildim. Ular: «Rasululloh ﷺ shu ishni qilganlarida, shunday boʻlishini bilgan edik», dedilar.Жобир ибн Абдуллоҳ (розияллоҳу анҳумо)дан ривоят қилинади: Отам қарздор ҳолида вафот этди. Мен унинг қарздорларига қарзи эвазига мева олишни таклиф қилдим, аммо улар буни қарзни қопламайди деб рад этдилар. Расулуллоҳ ﷺ ҳузурларига бориб буни айтдим. У зот: «Хурмони териб, мирбадга (хурмо қуритиладиган жойга) қўйганингда менга хабар қил», дедилар. Мен уни териб мирбадга қўйгач, Расулуллоҳ ﷺ ҳузурларига бордим. У зот Абу Бакр ва Умар билан бирга келдилар, унинг устига ўтириб барака сўраб дуо қилдилар. Сўнг: «Қарздорларингни чақириб, ҳақларини тўла», дедилар. Мен отамнинг қарзи бўлган ҳеч кимни қолдирмай ҳаммасини уздим ва менга ўн уч васқ ортиб қолди. Буни у зотга айтдим, у зот кулиб: «Абу Бакр ва Умар олдига бориб, буни уларга хабар қил», дедилар. Мен Абу Бакр ва Умар олдига бориб уларга хабар қилдим. Улар: «Расулуллоҳ ﷺ шу ишни қилганларида, шундай бўлишини билган эдик», дедилар.