Abu Muso al-Ashʼariy (roziyallohu anhu)dan rivoyat qilinadi: Men ashʼariylardan bir guruh kishilar bilan Rasululloh ﷺ ning oldilariga borib, u zotdan bizni ulov bilan taʼminlashlarini soʻradim. U zot: «Allohga qasamki, men sizlarni ulov bilan taʼminlamayman va menda sizlarni mindiradigan narsa ham yoʻq», dedilar. Soʻng Alloh xohlagancha kutib turdik, keyin u zotga tuyalar keltirildi. U zot bizga uchta tuya berishni buyurdilar. Biz yoʻlga chiqqach, baʼzimiz baʼzimizga: «Alloh bizga barakot bermas ekan-da, biz Rasululloh ﷺ ning oldilariga borib, ulov soʻragan edik, u zot bizni ulov bilan taʼminlamaslikka qasam ichgan edilar», dedik. Abu Muso aytdi: Shunda biz Nabiy ﷺ ning oldilariga borib, buni u zotga aytdik. U zot: «Sizlarni men mindirganim yoʻq, balki Alloh sizlarni mindirdi. Allohga qasamki, men biror qasam ustiga qasam ichib, soʻng undan boshqasini yaxshiroq deb bilsam, albatta qasamimga kafforat toʻlab, yaxshiroq boʻlganini qilaman», dedilar.Абу Мусо ал-Ашъарий (розияллоҳу анҳу)дан ривоят қилинади: Мен ашъарийлардан бир гуруҳ кишилар билан Расулуллоҳ ﷺ нинг олдиларига бориб, у зотдан бизни улов билан таъминлашларини сўрадим. У зот: «Аллоҳга қасамки, мен сизларни улов билан таъминламайман ва менда сизларни миндирадиган нарса ҳам йўқ», дедилар. Сўнг Аллоҳ хоҳлаганча кутиб турдик, кейин у зотга туялар келтирилди. У зот бизга учта туя беришни буюрдилар. Биз йўлга чиққач, баъзимиз баъзимизга: «Аллоҳ бизга баракот бермас экан-да, биз Расулуллоҳ ﷺ нинг олдиларига бориб, улов сўраган эдик, у зот бизни улов билан таъминламасликка қасам ичган эдилар», дедик. Абу Мусо айтди: Шунда биз Набий ﷺ нинг олдиларига бориб, буни у зотга айтдик. У зот: «Сизларни мен миндирганим йўқ, балки Аллоҳ сизларни миндирди. Аллоҳга қасамки, мен бирор қасам устига қасам ичиб, сўнг ундан бошқасини яхшироқ деб билсам, албатта қасамимга каффорат тўлаб, яхшироқ бўлганини қиламан», дедилар.