Jobir (roziyallohu anhu)dan rivoyat qilinadi: «Rasululloh ﷺ menga yetib oldilar, men bizning yomon bir suv tashiydigan tuyamizga mingan edim. Men: ‹Bizda doim yomon suv tashiydigan tuya boʻlaveradi, attang!› dedim. Shunda Nabiy ﷺ: ‹Buni menga sotasanmi, ey Jobir?› dedilar. Men: ‹Yoʻq, u sizniki, ey Rasululloh›, dedim. U zot: ‹Allohim, uni magʻfirat qil, Allohim, unga rahm qil. Men uni shuncha-shunchaga oldim va Madinaga qadar uning ustini senga qarzga berdim›, dedilar. Madinaga yetib kelganimda, uni tayyorlab, u zotning oldiga olib bordim. U zot: ‹Ey Bilol, unga bahosini ber›, dedilar. Men orqamga qaytganimda, u zot meni chaqirdilar, men uni qaytarib beradilar deb qoʻrqdim. Shunda u zot: ‹U seniki›, dedilar.»Жобир (розияллоҳу анҳу)дан ривоят қилинади: «Расулуллоҳ ﷺ менга етиб олдилар, мен бизнинг ёмон бир сув ташийдиган туямизга минган эдим. Мен: ‹Бизда доим ёмон сув ташийдиган туя бўлаверади, аттанг!› дедим. Шунда Набий ﷺ: ‹Буни менга сотасанми, эй Жобир?› дедилар. Мен: ‹Йўқ, у сизники, эй Расулуллоҳ›, дедим. У зот: ‹Аллоҳим, уни мағфират қил, Аллоҳим, унга раҳм қил. Мен уни шунча-шунчага олдим ва Мадинага қадар унинг устини сенга қарзга бердим›, дедилар. Мадинага етиб келганимда, уни тайёрлаб, у зотнинг олдига олиб бордим. У зот: ‹Эй Билол, унга баҳосини бер›, дедилар. Мен орқамга қайтганимда, у зот мени чақирдилар, мен уни қайтариб берадилар деб қўрқдим. Шунда у зот: ‹У сеники›, дедилар.»