أَخْبَرَنَا مُحَمَّدُ بْنُ جَبَلَةَ، قَالَ حَدَّثَنَا مُحَمَّدُ بْنُ مُوسَى بْنِ أَعْيَنَ، قَالَ حَدَّثَنَا أَبِي، عَنْ إِسْحَاقَ بْنِ رَاشِدٍ، عَنِ الزُّهْرِيِّ، عَنْ عُرْوَةَ، عَنْ عَائِشَةَ، أَنَّ قُرَيْشًا، أَهَمَّهُمْ شَأْنُ الْمَخْزُومِيَّةِ الَّتِي سَرَقَتْ فَقَالُوا مَنْ يُكَلِّمُ فِيهَا قَالُوا مَنْ يَجْتَرِئُ عَلَيْهِ إِلاَّ أُسَامَةُ بْنُ زَيْدٍ حِبُّ رَسُولِ اللَّهِ صلى الله عليه وسلم . فَكَلَّمَهُ أُسَامَةُ فَقَالَ رَسُولُ اللَّهِ صلى الله عليه وسلم " إِنَّمَا هَلَكَ الَّذِينَ مِنْ قَبْلِكُمْ أَنَّهُمْ كَانُوا إِذَا سَرَقَ فِيهِمُ الشَّرِيفُ تَرَكُوهُ وَإِذَا سَرَقَ فِيهِمُ الضَّعِيفُ أَقَامُوا عَلَيْهِ الْحَدَّ وَايْمُ اللَّهِ لَوْ سَرَقَتْ فَاطِمَةُ بِنْتُ مُحَمَّدٍ لَقَطَعْتُ يَدَهَا " .
Oisha (roziyallohu anho)dan rivoyat qilinadi: Quraysh ahlini oʻgʻrilik qilgan maxzumiy ayolning ishi tashvishga soldi. Ular: «Uning haqida kim gaplashadi?», dedilar. «Rasululloh ﷺ ning sevimlisi Usoma ibn Zayddan boshqa unga kim jurʼat qila oladi?», deyishdi. Shunda Usoma u zot bilan gaplashdi. Rasululloh ﷺ: «Sizdan oldingilar shu sababdan halok boʻlishgan: ular orasida sharafli kishi oʻgʻirlik qilsa, uni qoʻyib yuborishar, kuchsizi oʻgʻirlik qilsa, unga had joriy qilishardi. Allohga qasamki, agar Muhammadning qizi Fotima oʻgʻirlik qilsa ham, uning qoʻlini kesardim», dedilar.Оиша (розияллоҳу анҳо)дан ривоят қилинади: Қурайш аҳлини ўғрилик қилган махзумий аёлнинг иши ташвишга солди. Улар: «Унинг ҳақида ким гаплашади?», дедилар. «Расулуллоҳ ﷺ нинг севимлиси Усома ибн Зайддан бошқа унга ким журъат қила олади?», дейишди. Шунда Усома у зот билан гаплашди. Расулуллоҳ ﷺ: «Сиздан олдингилар шу сабабдан ҳалок бўлишган: улар орасида шарафли киши ўғирлик қилса, уни қўйиб юборишар, кучсизи ўғирлик қилса, унга ҳад жорий қилишарди. Аллоҳга қасамки, агар Муҳаммаднинг қизи Фотима ўғирлик қилса ҳам, унинг қўлини кесардим», дедилар.