Shurayh ibn Honiy otasi Honiy (roziyallohu anhu)dan rivoyat qiladiki, u Rasululloh ﷺ huzuriga kelganida, u zot uni Abul-Hakam kunyasi bilan chaqirilayotganini eshitdilar. Shunda Rasululloh ﷺ uni chaqirib: «Albatta, Allohgina al-Hakamdir va hukm ham Unikdir. Nega sen Abul-Hakam deb kunyalanasan?» dedilar. U: «Qavmim biror narsada ixtilof qilsalar, mening oldimga keladilar, men ular oʻrtasida hukm qilaman va ikkala tomon ham rozi boʻladi», dedi. U ﷺ: «Bu naqadar yaxshi! Farzandlaringdan kimlar bor?» dedilar. U: «Shurayh, Abdulloh va Muslim bor», dedi. U ﷺ: «Ularning eng kattasi kim?» dedilar. U: «Shurayh», dedi. U ﷺ: «Unda sen Abu Shurayhsan», dedilar va unga hamda uning farzandlariga duo qildilar.Шурайҳ ибн Ҳоний отаси Ҳоний (розияллоҳу анҳу)дан ривоят қиладики, у Расулуллоҳ ﷺ ҳузурига келганида, у зот уни Абул-Ҳакам куняси билан чақирилаётганини эшитдилар. Шунда Расулуллоҳ ﷺ уни чақириб: «Албатта, Аллоҳгина ал-Ҳакамдир ва ҳукм ҳам Уникдир. Нега сен Абул-Ҳакам деб куняланасан?» дедилар. У: «Қавмим бирор нарсада ихтилоф қилсалар, менинг олдимга келадилар, мен улар ўртасида ҳукм қиламан ва иккала томон ҳам рози бўлади», деди. У ﷺ: «Бу нақадар яхши! Фарзандларингдан кимлар бор?» дедилар. У: «Шурайҳ, Абдуллоҳ ва Муслим бор», деди. У ﷺ: «Уларнинг энг каттаси ким?» дедилар. У: «Шурайҳ», деди. У ﷺ: «Унда сен Абу Шурайҳсан», дедилар ва унга ҳамда унинг фарзандларига дуо қилдилар.