Abdulloh ibn Zubayr (roziyallohu anhumo)dan rivoyat qilinadi: Ansorlardan bir kishi Zubayr bilan Harra soyligidagi, xurmozorlarni sugʻoradigan ariq haqida Rasululloh ﷺning huzurlarida daʼvolashib qoldi. Ansoriy: «Suvni qoʻyib yubor, oʻtsin», dedi. Ammo Zubayr unamadi. Ular Rasululloh ﷺning huzurlarida daʼvolashdilar. Rasululloh ﷺ: «Ey Zubayr, sugʻorgin, soʻng suvni qoʻshningga qoʻyib yubor», dedilar. Ansoriy gʻazablanib: «Ey Rasululloh, ammangizning oʻgʻli boʻlgani uchunmi?» dedi. Rasululloh ﷺning yuzlari oʻzgardi, soʻng: «Ey Zubayr, sugʻorgin, soʻng suvni jadr (marza)ga yetguncha toʻsib tur», dedilar. Zubayr aytdi: «Men bu oyat shu haqda nozil boʻlgan deb oʻylayman: {Yoʻq, Rabbingga qasamki, ular... (seni hakam qilmagunlaricha mumin boʻlmaydilar)} (Niso 65)».Абдуллоҳ ибн Зубайр (розияллоҳу анҳумо)дан ривоят қилинади: Ансорлардан бир киши Зубайр билан Ҳарра сойлигидаги, хурмозорларни суғорадиган ариқ ҳақида Расулуллоҳ ﷺнинг ҳузурларида даъволашиб қолди. Ансорий: «Сувни қўйиб юбор, ўтсин», деди. Аммо Зубайр унамади. Улар Расулуллоҳ ﷺнинг ҳузурларида даъволашдилар. Расулуллоҳ ﷺ: «Эй Зубайр, суғоргин, сўнг сувни қўшнингга қўйиб юбор», дедилар. Ансорий ғазабланиб: «Эй Расулуллоҳ, аммангизнинг ўғли бўлгани учунми?» деди. Расулуллоҳ ﷺнинг юзлари ўзгарди, сўнг: «Эй Зубайр, суғоргин, сўнг сувни жадр (марза)га етгунча тўсиб тур», дедилар. Зубайр айтди: «Мен бу оят шу ҳақда нозил бўлган деб ўйлайман: {Йўқ, Раббингга қасамки, улар... (сени ҳакам қилмагунларича мумин бўлмайдилар)} (Нисо 65)».