حَدَّثَنَا قُتَيْبَةُ، حَدَّثَنَا اللَّيْثُ بْنُ سَعْدٍ، عَنِ ابْنِ شِهَابٍ، عَنْ عُرْوَةَ بْنِ الزُّبَيْرِ، أَنَّهُ حَدَّثَهُ أَنَّ عَبْدَ اللَّهِ بْنَ الزُّبَيْرِ حَدَّثَهُ أَنَّ رَجُلاً مِنَ الأَنْصَارِ خَاصَمَ الزُّبَيْرَ فِي شِرَاجِ الْحَرَّةِ الَّتِي يَسْقُونَ بِهَا النَّخْلَ . فَقَالَ الأَنْصَارِيُّ سَرِّحِ الْمَاءَ يَمُرُّ فَأَبَى عَلَيْهِ فَاخْتَصَمُوا إِلَى رَسُولِ اللَّهِ صلى الله عليه وسلم فَقَالَ رَسُولُ اللَّهِ صلى الله عليه وسلم لِلزُّبَيْرِ " اسْقِ يَا زُبَيْرُ وَأَرْسِلِ الْمَاءَ إِلَى جَارِكَ " . فَغَضِبَ الأَنْصَارِيُّ وَقَالَ يَا رَسُولَ اللَّهِ أَنْ كَانَ ابْنَ عَمَّتِكَ . فَتَغَيَّرَ وَجْهُ رَسُولِ اللَّهِ صلى الله عليه وسلم ثُمَّ قَالَ " يَا زُبَيْرُ اسْقِ وَاحْبِسِ الْمَاءَ حَتَّى يَرْجِعَ إِلَى الْجَدْرِ " . فَقَالَ الزُّبَيْرُ وَاللَّهِ إِنِّي لأَحْسِبُ هَذِهِ الآيَةَ نَزَلَتْ فِي ذَلِك : (فَلاَ وَرَبِّكَ لاَ يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهم) الآيَةَ . قَالَ أَبُو عِيسَى سَمِعْتُ مُحَمَّدًا يَقُولُ قَدْ رَوَى ابْنُ وَهْبٍ هَذَا الْحَدِيثِ عَنِ اللَّيْثِ بْنِ سَعْدٍ وَيُونُسَ عَنِ الزُّهْرِيِّ عَنْ عُرْوَةَ عَنْ عَبْدِ اللَّهِ بْنِ الزُّبَيْرِ نَحْوَ هَذَا الْحَدِيثِ . وَرَوَى شُعَيْبُ بْنُ أَبِي حَمْزَةَ عَنِ الزُّهْرِيِّ عَنْ عُرْوَةَ عَنِ الزُّبَيْرِ وَلَمْ يَذْكُرْ عَنْ عَبْدِ اللَّهِ بْنِ الزُّبَيْرِ .
Abdulloh ibn Zubayr (roziyallohu anhumo)dan rivoyat qilinadi: Ansorlardan bir kishi xurmozorni sugʻoradigan Harra arigʻi xususida Zubayr bilan janjallashdi. Ansoriy: «Suvni qoʻyib yubor, oʻtsin», dedi. Zubayr esa unamadi. Shunda ular nizolarini Rasululloh ﷺ huzuriga olib bordilar. Rasululloh ﷺ Zubayrga: «Ey Zubayr, (avval oʻzing) sugʻorgin, soʻng suvni qoʻshningga oqizib yubor», dedilar. Ansoriy gʻazablanib: «Ey Rasululloh, u ammangizning oʻgʻli boʻlgani uchunmi?!» dedi. Shunda Rasululloh ﷺning yuzlari oʻzgardi-da: «Ey Zubayr, sugʻorgin, soʻng suvni devorga(cha qaytib kelguncha) toʻsib turgin», dedilar. Zubayr: «Allohga qasamki, men bu oyat shu xususda nozil boʻlgan deb oʻylayman: {Yoʻq, Robbingga qasamki, ular oʻrtalaridagi nizoda seni hakam qilmagunlaricha imon keltirmaganlaridek (boʻlurlar)...}» (Niso 65) dedi. Abu Iso aytdi: Muhammadning shunday deganini eshitdim: Ibn Vahb bu hadisni Lays ibn Saʼd va Yunusdan, ular Zuhriydan, u Urvadan, u Abdulloh ibn Zubayrdan shunga oʻxshash qilib rivoyat qilgan. Shuayb ibn Abu Hamza esa uni Zuhriydan, u Urvadan, u Zubayrdan deb rivoyat qilib, Abdulloh ibn Zubayrni zikr qilmagan.Абдуллоҳ ибн Зубайр (розияллоҳу анҳумо)дан ривоят қилинади: Ансорлардан бир киши хурмозорни суғорадиган Ҳарра ариғи хусусида Зубайр билан жанжаллашди. Ансорий: «Сувни қўйиб юбор, ўтсин», деди. Зубайр эса унамади. Шунда улар низоларини Расулуллоҳ ﷺ ҳузурига олиб бордилар. Расулуллоҳ ﷺ Зубайрга: «Эй Зубайр, (аввал ўзинг) суғоргин, сўнг сувни қўшнингга оқизиб юбор», дедилар. Ансорий ғазабланиб: «Эй Расулуллоҳ, у аммангизнинг ўғли бўлгани учунми?!» деди. Шунда Расулуллоҳ ﷺнинг юзлари ўзгарди-да: «Эй Зубайр, суғоргин, сўнг сувни деворга(ча қайтиб келгунча) тўсиб тургин», дедилар. Зубайр: «Аллоҳга қасамки, мен бу оят шу хусусда нозил бўлган деб ўйлайман: {Йўқ, Роббингга қасамки, улар ўрталаридаги низода сени ҳакам қилмагунларича имон келтирмаганларидек (бўлурлар)...}» (Нисо 65) деди. Абу Исо айтди: Муҳаммаднинг шундай деганини эшитдим: Ибн Ваҳб бу ҳадисни Лайс ибн Саъд ва Юнусдан, улар Зуҳрийдан, у Урвадан, у Абдуллоҳ ибн Зубайрдан шунга ўхшаш қилиб ривоят қилган. Шуайб ибн Абу Ҳамза эса уни Зуҳрийдан, у Урвадан, у Зубайрдан деб ривоят қилиб, Абдуллоҳ ибн Зубайрни зикр қилмаган.