Burayda (roziyallohu anhu)dan rivoyat qilinadi: Bir kishi Rasululloh ﷺ ning oldilariga kelib, u zotdan namoz vaqti haqida soʻradi. U zot: «Shu ikki kun biz bilan turib tur», dedilar. Soʻng Bilolga buyurdilar, u tong paytida iqoma aytdi va u zot bomdodni oʻqidilar. Soʻng quyosh ogʻganda unga buyurdilar va peshinni oʻqidilar. Soʻng quyoshni oq holida koʻrganlarida unga buyurdilar, u asrga iqoma aytdi. Soʻng quyoshning cheti botganda unga buyurdilar, u shomga iqoma aytdi. Soʻng shafaq gʻoyib boʻlganda unga buyurdilar, u xuftonga iqoma aytdi. Soʻng ertasi kuni unga buyurdilar, u bomdodni tong yorishganda oʻqidi. Soʻng peshinni salqinga surdilar va yaxshigina salqinlatdilar. Soʻng asrni quyosh oq holida oʻqidilar, ammo undan kechroqqa surdilar. Soʻng shomni shafaq gʻoyib boʻlishidan oldin oʻqidilar. Soʻng unga buyurdilar, u xuftonni tunning uchdan biri oʻtganda iqoma aytdi va uni oʻqidilar. Soʻng u zot: «Namoz vaqti haqida soʻragan kishi qani? Namozingiz vaqti — siz koʻrgan narsalar orasidadir», dedilar.Бурайда (розияллоҳу анҳу)дан ривоят қилинади: Бир киши Расулуллоҳ ﷺ нинг олдиларига келиб, у зотдан намоз вақти ҳақида сўради. У зот: «Шу икки кун биз билан туриб тур», дедилар. Сўнг Билолга буюрдилар, у тонг пайтида иқома айтди ва у зот бомдодни ўқидилар. Сўнг қуёш оғганда унга буюрдилар ва пешинни ўқидилар. Сўнг қуёшни оқ ҳолида кўрганларида унга буюрдилар, у асрга иқома айтди. Сўнг қуёшнинг чети ботганда унга буюрдилар, у шомга иқома айтди. Сўнг шафақ ғойиб бўлганда унга буюрдилар, у хуфтонга иқома айтди. Сўнг эртаси куни унга буюрдилар, у бомдодни тонг ёришганда ўқиди. Сўнг пешинни салқинга сурдилар ва яхшигина салқинлатдилар. Сўнг асрни қуёш оқ ҳолида ўқидилар, аммо ундан кечроққа сурдилар. Сўнг шомни шафақ ғойиб бўлишидан олдин ўқидилар. Сўнг унга буюрдилар, у хуфтонни туннинг учдан бири ўтганда иқома айтди ва уни ўқидилар. Сўнг у зот: «Намоз вақти ҳақида сўраган киши қани? Намозингиз вақти — сиз кўрган нарсалар орасидадир», дедилар.