عَنْ أَبي هُرَيْرَةَ رَضِيَ اللهُ عَنْهُ عَنْ رَسُول اللهِ صَلَّى الله عَلَيْهِ وَ سَلَّمَ قَالَ لَمَّا خَلَقَ اللهُ الجَنَّةَ وَالنَّارَ أَرْسَلَ جِبْرِيْلَ إلى الجنَّةِ فَقَالَ انْظُرْ إِلَيْهَا وَإلى مَا أَعْدَدْتُ لأهْلِهَا فِيْهَا . قَالَ: فَجَاءَهَا وَنَظَرَ إِلَيْهَا وَ إِلى مَا أَعَدَّاللهُ لأهْلِهَا فِيْهَا. قَالَ: فَرَجَعَ إِلَيْهِ قَالَ: فَوَعِزَّتِكَ لَا يَسْمَعُ بِهَا أَحَدٌ إِلَّا دَخَلَهَا فَأَمَرَ بِهَا فَحُفَّتْ بِالمَكَارِهِ فَقَالَ: ارْجِعْ إِلَيْهَا ، فَانْظُرْ إِلى مَا أَعْدَدْتُ لأَهْلِهَا فِيْهَا ، قَالَ: فَرَجَعَ إِلَيْهَا ، فإِذا هِيَ قَدْ حُفَّتْ بِالمَكَارِهِ ، فَرَجَعَ إِلَيْهِ ، فَقَالَ: وَعِزَّتِكَ لَقَدْ خِفْتُ أَنْ لَا يَدْخُلَهَا أَحَدٌ قَالَ: اذْهَبْ إِلى النَّارِ فَانْظُرْ إِليْها ، وإلى مَا أَعْدَدْتُ لأَهْلِها فِيْهَا . فإذا هِي يَرْكَبُ بَعْضُهَا بَعْضًا ، فَرَجَعَ إِلَيْهِ ، فَقَالَ: وَ عِزَّتِكَ لَا يَسْمَعُ بِهَا أحَدٌ فَيَدْخُلَهَا . فَأَمَر بِها فَحُفَّتْ بِالشَّهَوَاتِ ، فَقَالَ: ارْجِعْ إِلَيْهَا ، فَرَجَعَ إلَيْهَا ، فَقَالَ: وَ عِزَّتِكَ لَقَدْ خَشِيتُ أنْ لَا يَنْجُوَ مِنْهَا أَحَدٌ إِلَّا دَخَلَهَا رواه الترمذي و قال حديث حسن صحيح و كذلك أبو داود والنسائي
Abu Hurayra (roziyallohu anhu)dan rivoyat qilinadi, Rasululloh ﷺ dedilar: «Alloh jannat va doʻzaxni yaratganda, Jibrilni jannatga yuborib: ‹Unga va undagi ahli uchun tayyorlagan narsalarimga qara›, dedi. U (Jibril) kelib, unga va Alloh undagi ahli uchun tayyorlagan narsalarga qaradi. Soʻng Uning huzuriga qaytib: ‹Izzatingga qasam, uni eshitgan har kimsa albatta unga kiradi›, dedi. Shunda (Alloh) uni (oʻrab qoʻyishni) buyurdi, bas jannat mashaqqatlar bilan oʻraldi. (Alloh): ‹Unga qayt va undagi ahli uchun tayyorlagan narsalarga qara›, dedi. U unga qaytdi, bas mana u mashaqqatlar bilan oʻralgan edi. Soʻng Uning huzuriga qaytib: ‹Izzatingga qasam, hech kim unga kirmasa keragu, deb qoʻrqdim›, dedi. (Alloh): ‹Doʻzaxga bor, unga va undagi ahli uchun tayyorlagan narsalarga qara›, dedi. Bas mana u qat-qat (bir-birining ustida) edi. U Uning huzuriga qaytib: ‹Izzatingga qasam, uni eshitgan hech kim unga kirmasa keragu›, dedi. Shunda (Alloh) uni (oʻrashni) buyurdi, bas doʻzax shahvatlar (nafs istaklari) bilan oʻraldi. Soʻng: ‹Unga qayt›, dedi. U unga qaytib: ‹Izzatingga qasam, hech kim undan qutula olmay, balki hamma unga kirib qolsa keragu, deb qoʻrqdim›, dedi». Buni Termiziy rivoyat qilib: «Hadis hasan sahihdir», degan; shuningdek Abu Dovud va Nasoiy (ham rivoyat qilgan).Абу Ҳурайра (розияллоҳу анҳу)дан ривоят қилинади, Расулуллоҳ ﷺ дедилар: «Аллоҳ жаннат ва дўзахни яратганда, Жибрилни жаннатга юбориб: ‹Унга ва ундаги аҳли учун тайёрлаган нарсаларимга қара›, деди. У (Жибрил) келиб, унга ва Аллоҳ ундаги аҳли учун тайёрлаган нарсаларга қаради. Сўнг Унинг ҳузурига қайтиб: ‹Иззатингга қасам, уни эшитган ҳар кимса албатта унга киради›, деди. Шунда (Аллоҳ) уни (ўраб қўйишни) буюрди, бас жаннат машаққатлар билан ўралди. (Аллоҳ): ‹Унга қайт ва ундаги аҳли учун тайёрлаган нарсаларга қара›, деди. У унга қайтди, бас мана у машаққатлар билан ўралган эди. Сўнг Унинг ҳузурига қайтиб: ‹Иззатингга қасам, ҳеч ким унга кирмаса керагу, деб қўрқдим›, деди. (Аллоҳ): ‹Дўзахга бор, унга ва ундаги аҳли учун тайёрлаган нарсаларга қара›, деди. Бас мана у қат-қат (бир-бирининг устида) эди. У Унинг ҳузурига қайтиб: ‹Иззатингга қасам, уни эшитган ҳеч ким унга кирмаса керагу›, деди. Шунда (Аллоҳ) уни (ўрашни) буюрди, бас дўзах шаҳватлар (нафс истаклари) билан ўралди. Сўнг: ‹Унга қайт›, деди. У унга қайтиб: ‹Иззатингга қасам, ҳеч ким ундан қутула олмай, балки ҳамма унга кириб қолса керагу, деб қўрқдим›, деди». Буни Термизий ривоят қилиб: «Ҳадис ҳасан саҳиҳдир», деган; шунингдек Абу Довуд ва Насоий (ҳам ривоят қилган).