Oisha (roziyallohu anho)dan rivoyat qilinadi: Qurayshni oʻgʻirlik qilgan maxzumiy ayolning ishi tashvishga soldi. Ular: «Bu (ayol) haqida Rasululloh ﷺ ga kim gapiradi?» dedilar. Soʻng: «Rasululloh ﷺ ning sevimlisi Usomadan boshqa kim u zotning oldida buni botinib aytadi?» dedilar. Bas, Usoma u zotga (bu haqda) gapirdi. Shunda Rasululloh ﷺ: «Allohning haddlaridan bir hadd haqida shafoat qilyapsanmi?» — dedilar. Soʻngra (oʻrinlaridan) turib, xutba qildilar va: «Ey odamlar! Sizlardan oldingilarni faqat shu halok qilgan: ular orasida obroʻli kishi oʻgʻirlik qilsa, uni qoʻyib yuborar, zaif kishi oʻgʻirlik qilsa, unga haddni qoʻllar edilar. Allohga qasamki, agar Muhammadning qizi Fotima oʻgʻirlik qilsa edi, albatta uning qoʻlini kesardim», — dedilar. Ibn Rumhning hadisida esa: «Sizlardan oldingilar faqat shu (sabab) halok boʻldilar», (deyilgan).Оиша (розияллоҳу анҳо)дан ривоят қилинади: Қурайшни ўғирлик қилган махзумий аёлнинг иши ташвишга солди. Улар: «Бу (аёл) ҳақида Расулуллоҳ ﷺ га ким гапиради?» дедилар. Сўнг: «Расулуллоҳ ﷺ нинг севимлиси Усомадан бошқа ким у зотнинг олдида буни ботиниб айтади?» дедилар. Бас, Усома у зотга (бу ҳақда) гапирди. Шунда Расулуллоҳ ﷺ: «Аллоҳнинг ҳаддларидан бир ҳадд ҳақида шафоат қиляпсанми?» — дедилар. Сўнгра (ўринларидан) туриб, хутба қилдилар ва: «Эй одамлар! Сизлардан олдингиларни фақат шу ҳалок қилган: улар орасида обрўли киши ўғирлик қилса, уни қўйиб юборар, заиф киши ўғирлик қилса, унга ҳаддни қўллар эдилар. Аллоҳга қасамки, агар Муҳаммаднинг қизи Фотима ўғирлик қилса эди, албатта унинг қўлини кесардим», — дедилар. Ибн Румҳнинг ҳадисида эса: «Сизлардан олдингилар фақат шу (сабаб) ҳалок бўлдилар», (дейилган).