Oisha (roziyallohu anho)dan rivoyat qilinadiki, oʻgʻirlik qilgan maxzumiy ayolning ishi Qurayshni tashvishga soldi. Ular: «Bu haqida (Rasululloh ﷺga) kim soʻzlaydi?» — deyishdi. Soʻng: «Rasululloh ﷺning suyukli (sahobasi) Usoma ibn Zayddan boshqa kim bunga jurʼat eta oladi!» — deyishdi. Bas, Usoma u zotga soʻz qotdi. Shunda Rasululloh ﷺ: «Ey Usoma, sen Allohning hadlaridan bir had haqida shafoat qilyapsanmi?» — dedilar. Soʻng oʻrinlaridan turib, xutba qildilar va: «Sizlardan oldingilarni faqat shu narsa halok qildi: ularning orasida obroʻli kishi oʻgʻrilik qilsa, uni qoʻyib yuborar edilar, oʻrtalaridagi zaif kishi oʻgʻrilik qilsa, unga had joriy qilar edilar. Allohga qasamki, agar Muhammadning qizi Fotima oʻgʻrilik qilganida ham, albatta uning qoʻlini kesgan boʻlardim», — dedilar.Оиша (розияллоҳу анҳо)дан ривоят қилинадики, ўғирлик қилган махзумий аёлнинг иши Қурайшни ташвишга солди. Улар: «Бу ҳақида (Расулуллоҳ ﷺга) ким сўзлайди?» — дейишди. Сўнг: «Расулуллоҳ ﷺнинг суюкли (саҳобаси) Усома ибн Зайддан бошқа ким бунга журъат эта олади!» — дейишди. Бас, Усома у зотга сўз қотди. Шунда Расулуллоҳ ﷺ: «Эй Усома, сен Аллоҳнинг ҳадларидан бир ҳад ҳақида шафоат қиляпсанми?» — дедилар. Сўнг ўринларидан туриб, хутба қилдилар ва: «Сизлардан олдингиларни фақат шу нарса ҳалок қилди: уларнинг орасида обрўли киши ўғрилик қилса, уни қўйиб юборар эдилар, ўрталаридаги заиф киши ўғрилик қилса, унга ҳад жорий қилар эдилар. Аллоҳга қасамки, агар Муҳаммаднинг қизи Фотима ўғрилик қилганида ҳам, албатта унинг қўлини кесган бўлардим», — дедилар.