Huzayfa (roziyallohu anhu)dan rivoyat qilinadi: Biz Rasululloh ﷺ bilan taomga hozir boʻlganimizda, Rasululloh ﷺ (avval) qoʻllarini qoʻymagunlaricha qoʻllarimizni qoʻymas edik. Bir marta u zot bilan taomga hozir boʻldik. Shunda goʻyo (kimdir) turtib yuborayotganday bir joriya kelib, qoʻlini taomga qoʻymoqchi boʻldi. Rasululloh ﷺ uning qoʻlidan ushladilar. Soʻng goʻyo turtib yuborilayotganday bir aʼrobiy keldi, u zot uning ham qoʻlidan ushladilar va: «Albatta, shayton Allohning ismi zikr qilinmagan taomni oʻziga halol sanaydi. U (taomni) halollashtirish uchun shu joriyani olib keldi, men uning qoʻlidan ushladim. Soʻng bu aʼrobiyni halollashtirish uchun olib keldi, men uning ham qoʻlidan ushladim. Jonim qoʻlida boʻlgan Zot bilan qasamki, uning (shaytonning) qoʻli ularning qoʻllari bilan birga mening qoʻlimda edi», dedilar. Soʻng Allohning ismini zikr qilib taom yedilar.Ҳузайфа (розияллоҳу анҳу)дан ривоят қилинади: Биз Расулуллоҳ ﷺ билан таомга ҳозир бўлганимизда, Расулуллоҳ ﷺ (аввал) қўлларини қўймагунларича қўлларимизни қўймас эдик. Бир марта у зот билан таомга ҳозир бўлдик. Шунда гўё (кимдир) туртиб юбораётгандай бир жория келиб, қўлини таомга қўймоқчи бўлди. Расулуллоҳ ﷺ унинг қўлидан ушладилар. Сўнг гўё туртиб юборилаётгандай бир аъробий келди, у зот унинг ҳам қўлидан ушладилар ва: «Албатта, шайтон Аллоҳнинг исми зикр қилинмаган таомни ўзига ҳалол санайди. У (таомни) ҳалоллаштириш учун шу жорияни олиб келди, мен унинг қўлидан ушладим. Сўнг бу аъробийни ҳалоллаштириш учун олиб келди, мен унинг ҳам қўлидан ушладим. Жоним қўлида бўлган Зот билан қасамки, унинг (шайтоннинг) қўли уларнинг қўллари билан бирга менинг қўлимда эди», дедилар. Сўнг Аллоҳнинг исмини зикр қилиб таом едилар.