Tufayl ibn Ubay ibn Kaʼb (rahimahulloh)dan rivoyat qilinadi: Men Abdulloh ibn Umar (roziyallohu anhumo)ning huzuriga kelib, u bilan birga bozorga chiqardim. Bozorga chiqqanimizda, Abdulloh eski-tuski sotuvchi boʻlsin, savdogar boʻlsin, miskin boʻlsin, kim uchrasa, hammasiga salom berardi. Kunlardan bir kun men Abdulloh ibn Umarning oldiga keldim, u meni bozorga ergashtirdi. Men unga: «Bozorda nima qilasiz? Axir siz na savdoda toʻxtaysiz, na mol haqida soʻraysiz, na narx aytasiz, na bozor majlislarida oʻtirasiz», dedim va: «Shu yerda oʻtiraylik, suhbatlashaylik», dedim. U: «Ey Abu Batn (Tufayl qorni katta kishi edi), biz faqat salom berish uchun chiqamiz; kimni uchratsak, unga salom beramiz», dedi.Туфайл ибн Убай ибн Каъб (раҳимаҳуллоҳ)дан ривоят қилинади: Мен Абдуллоҳ ибн Умар (розияллоҳу анҳумо)нинг ҳузурига келиб, у билан бирга бозорга чиқардим. Бозорга чиққанимизда, Абдуллоҳ эски-туски сотувчи бўлсин, савдогар бўлсин, мискин бўлсин, ким учраса, ҳаммасига салом берарди. Кунлардан бир кун мен Абдуллоҳ ибн Умарнинг олдига келдим, у мени бозорга эргаштирди. Мен унга: «Бозорда нима қиласиз? Ахир сиз на савдода тўхтайсиз, на мол ҳақида сўрайсиз, на нарх айтасиз, на бозор мажлисларида ўтирасиз», дедим ва: «Шу ерда ўтирайлик, суҳбатлашайлик», дедим. У: «Эй Абу Батн (Туфайл қорни катта киши эди), биз фақат салом бериш учун чиқамиз; кимни учратсак, унга салом берамиз», деди.