Abu Hurayra (roziyallohu anhu)dan rivoyat qilinadi: Rasululloh ﷺ: «Albatta, Alloh xaloyiqni yaratdi. Ularni yaratib boʻlgach, qarindoshlik rishtasi (rahm) oʻrnidan turib: ‹Bu (joy) aloqani uzishdan panoh tilovchining oʻrnidir›, dedi. (Alloh): ‹Ha. Seni ulagan kishi bilan ulashimdan va seni uzgan kishi bilan uzishimdan rozi emasmisan?› dedi. (Rahm): ‹Ha (roziman)›, dedi. (Alloh): ‹Bas, bu sen uchundir›, dedi», dedilar. Soʻngra Rasululloh ﷺ: «Istasangiz oʻqing: {Agar (hokimiyatga) yuz tutsangiz, yer yuzida buzgʻunchilik qilib, qarindoshlik rishtalaringizni uzishingiz ehtimoldan xoli emasdir. Ana oʻshalarni Alloh laʼnatlagan va quloqlarini kar, koʻzlarini koʻr qilib qoʻygandir. Ular Qurʼon ustida tafakkur qilmaydilarmi yoki qalblariga qulflar urilganmi?} (Muhammad surasi 22-24)», dedilar.Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «Албатта, Аллоҳ халойиқни яратди. Уларни яратиб бўлгач, қариндошлик риштаси (раҳм) ўрнидан туриб: ‹Бу (жой) алоқани узишдан паноҳ тиловчининг ўрнидир›, деди. (Аллоҳ): ‹Ҳа. Сени улаган киши билан улашимдан ва сени узган киши билан узишимдан рози эмасмисан?› деди. (Раҳм): ‹Ҳа (розиман)›, деди. (Аллоҳ): ‹Бас, бу сен учундир›, деди», дедилар. Сўнгра Расулуллоҳ ﷺ: «Истасангиз ўқинг: {Агар (ҳокимиятга) юз тутсангиз, ер юзида бузғунчилик қилиб, қариндошлик ришталарингизни узишингиз эҳтимолдан холи эмасдир. Ана ўшаларни Аллоҳ лаънатлаган ва қулоқларини кар, кўзларини кўр қилиб қўйгандир. Улар Қуръон устида тафаккур қилмайдиларми ёки қалбларига қулфлар урилганми?} (Муҳаммад сураси 22-24)», дедилар.