Anas ibn Molik (roziyallohu anhu)dan rivoyat qilinadi: Rasululloh ﷺ ga ashoblari haqida biror narsa yetib bordi, shunda u zot xutba qilib: «Menga jannat va doʻzax koʻrsatildi, men yaxshilik va yomonlikni bugungidek (aniq) koʻrmaganman. Agar men bilgan narsani sizlar ham bilsangiz edi, oz kular va koʻp yigʻlar edingiz», — dedilar. (Roviy) dedi: Rasululloh ﷺ ning ashoblariga shundan ogʻirroq kun kelmadi. (Roviy) dedi: Ular boshlarini berkitib, ohista yigʻlar edilar. (Roviy) dedi: Soʻng Umar oʻrnidan turib: «Biz Allohni Robb deb, Islomni din deb, Muhammadni Nabiy deb (tan olib) rozi boʻldik», dedi. (Roviy) dedi: Soʻng oʻsha kishi oʻrnidan turib: «Mening otam kim?» dedi. (U zot): «Otang falonchi», — dedilar. Shunda mana bu (oyat) nozil boʻldi: {Ey imon keltirganlar! Sizlarga oshkor qilinsa, sizlarni xafa qiladigan narsalar haqida soʻramanglar} (Moida 101).Анас ибн Молик (розияллоҳу анҳу)дан ривоят қилинади: Расулуллоҳ ﷺ га ашоблари ҳақида бирор нарса етиб борди, шунда у зот хутба қилиб: «Менга жаннат ва дўзах кўрсатилди, мен яхшилик ва ёмонликни бугунгидек (аниқ) кўрмаганман. Агар мен билган нарсани сизлар ҳам билсангиз эди, оз кулар ва кўп йиғлар эдингиз», — дедилар. (Ровий) деди: Расулуллоҳ ﷺ нинг ашобларига шундан оғирроқ кун келмади. (Ровий) деди: Улар бошларини беркитиб, оҳиста йиғлар эдилар. (Ровий) деди: Сўнг Умар ўрнидан туриб: «Биз Аллоҳни Робб деб, Исломни дин деб, Муҳаммадни Набий деб (тан олиб) рози бўлдик», деди. (Ровий) деди: Сўнг ўша киши ўрнидан туриб: «Менинг отам ким?» деди. (У зот): «Отанг фалончи», — дедилар. Шунда мана бу (оят) нозил бўлди: {Эй имон келтирганлар! Сизларга ошкор қилинса, сизларни хафа қиладиган нарсалар ҳақида сўраманглар} (Моида 101).