حَدَّثَنَا أَحْمَدُ بْنُ عَبْدِ اللَّهِ بْنِ يُونُسَ، حَدَّثَنَا زَائِدَةُ، حَدَّثَنَا مُوسَى بْنُ أَبِي عَائِشَةَ، عَنْ عُبَيْدِ اللَّهِ بْنِ عَبْدِ اللَّهِ، قَالَ دَخَلْتُ عَلَى عَائِشَةَ فَقُلْتُ لَهَا أَلاَ تُحَدِّثِينِي عَنْ مَرَضِ رَسُولِ اللَّهِ صلى الله عليه وسلم قَالَتْ بَلَى ثَقُلَ النَّبِيُّ صلى الله عليه وسلم فَقَالَ " أَصَلَّى النَّاسُ " . قُلْنَا لاَ وَهُمْ يَنْتَظِرُونَكَ يَا رَسُولَ اللَّهِ . قَالَ " ضَعُوا لِي مَاءً فِي الْمِخْضَبِ " . فَفَعَلْنَا فَاغْتَسَلَ ثُمَّ ذَهَبَ لِيَنُوءَ فَأُغْمِيَ عَلَيْهِ ثُمَّ أَفَاقَ فَقَالَ " أَصَلَّى النَّاسُ " . قُلْنَا لاَ وَهُمْ يَنْتَظِرُونَكَ يَا رَسُولَ اللَّهِ . فَقَالَ " ضَعُوا لِي مَاءً فِي الْمِخْضَبِ " . فَفَعَلْنَا فَاغْتَسَلَ ثُمَّ ذَهَبَ لِيَنُوءَ فَأُغْمِيَ عَلَيْهِ ثُمَّ أَفَاقَ فَقَالَ " أَصَلَّى النَّاسُ " . قُلْنَا لاَ وَهُمْ يَنْتَظِرُونَكَ يَا رَسُولَ اللَّهِ . فَقَالَ " ضَعُوا لِي مَاءً فِي الْمِخْضَبِ " . فَفَعَلْنَا فَاغْتَسَلَ ثُمَّ ذَهَبَ لِيَنُوءَ فَأُغْمِيَ عَلَيْهِ ثُمَّ أَفَاقَ فَقَالَ " أَصَلَّى النَّاسُ " . فَقُلْنَا لاَ وَهُمْ يَنْتَظِرُونَكَ يَا رَسُولَ اللَّهِ . قَالَتْ وَالنَّاسُ عُكُوفٌ فِي الْمَسْجِدِ يَنْتَظِرُونَ رَسُولَ اللَّهِ صلى الله عليه وسلم لِصَلاَةِ الْعِشَاءِ الآخِرَةِ - قَالَتْ - فَأَرْسَلَ رَسُولُ اللَّهِ صلى الله عليه وسلم إِلَى أَبِي بَكْرٍ أَنْ يُصَلِّيَ بِالنَّاسِ فَأَتَاهُ الرَّسُولُ فَقَالَ إِنَّ رَسُولَ اللَّهِ صلى الله عليه وسلم يَأْمُرُكَ أَنْ تُصَلِّيَ بِالنَّاسِ . فَقَالَ أَبُو بَكْرٍ وَكَانَ رَجُلاً رَقِيقًا يَا عُمَرُ صَلِّ بِالنَّاسِ . قَالَ فَقَالَ عُمَرُ أَنْتَ أَحَقُّ بِذَلِكَ . قَالَتْ فَصَلَّى بِهِمْ أَبُو بَكْرٍ تِلْكَ الأَيَّامَ ثُمَّ إِنَّ رَسُولَ اللَّهِ صلى الله عليه وسلم وَجَدَ مِنْ نَفْسِهِ خِفَّةً فَخَرَجَ بَيْنَ رَجُلَيْنِ أَحَدُهُمَا الْعَبَّاسُ لِصَلاَةِ الظُّهْرِ وَأَبُو بَكْرٍ يُصَلِّي بِالنَّاسِ فَلَمَّا رَآهُ أَبُو بَكْرٍ ذَهَبَ لِيَتَأَخَّرَ فَأَوْمَأَ إِلَيْهِ النَّبِيُّ صلى الله عليه وسلم أَنْ لاَ يَتَأَخَّرَ وَقَالَ لَهُمَا " أَجْلِسَانِي إِلَى جَنْبِهِ " . فَأَجْلَسَاهُ إِلَى جَنْبِ أَبِي بَكْرٍ وَكَانَ أَبُو بَكْرٍ يُصَلِّي وَهُوَ قَائِمٌ بِصَلاَةِ النَّبِيِّ صلى الله عليه وسلم وَالنَّاسُ يُصَلُّونَ بِصَلاَةِ أَبِي بَكْرٍ وَالنَّبِيُّ صلى الله عليه وسلم قَاعِدٌ . قَالَ عُبَيْدُ اللَّهِ فَدَخَلْتُ عَلَى عَبْدِ اللَّهِ بْنِ عَبَّاسٍ فَقُلْتُ لَهُ أَلاَ أَعْرِضُ عَلَيْكَ مَا حَدَّثَتْنِي عَائِشَةُ عَنْ مَرَضِ رَسُولِ اللَّهِ صلى الله عليه وسلم قَالَ هَاتِ . فَعَرَضْتُ حَدِيثَهَا عَلَيْهِ فَمَا أَنْكَرَ مِنْهُ شِيْئًا غَيْرَ أَنَّهُ قَالَ أَسَمَّتْ لَكَ الرَّجُلَ الَّذِي كَانَ مَعَ الْعَبَّاسِ قُلْتُ لاَ . قَالَ هُوَ عَلِيٌّ .
Oisha (roziyallohu anho)dan rivoyat qilinadi: Nabiy ﷺ ning (kasalliklari) ogʻirlashdi va: «Odamlar namoz oʻqidimi?» dedilar. Biz: «Yoʻq, ular Sizni kutmoqdalar, yo Rasululloh», dedik. U zot: «Menga togʻorada suv qoʻyinglar», dedilar. Biz shunday qildik, u zot gʻusl qildilar, soʻng (oʻrinlaridan) turmoqchi boʻldilar, ammo hushlaridan ketdilar. Soʻng oʻzlariga kelib: «Odamlar namoz oʻqidimi?» dedilar. Biz: «Yoʻq, ular Sizni kutmoqdalar, yo Rasululloh», dedik. U zot: «Menga togʻorada suv qoʻyinglar», dedilar. Biz shunday qildik, u zot gʻusl qildilar, soʻng turmoqchi boʻldilar, ammo hushlaridan ketdilar. Soʻng oʻzlariga kelib: «Odamlar namoz oʻqidimi?» dedilar. Biz: «Yoʻq, ular Sizni kutmoqdalar, yo Rasululloh», dedik. U zot: «Menga togʻorada suv qoʻyinglar», dedilar. Biz shunday qildik, u zot gʻusl qildilar, soʻng turmoqchi boʻldilar, ammo hushlaridan ketdilar. Soʻng oʻzlariga kelib: «Odamlar namoz oʻqidimi?» dedilar. Biz: «Yoʻq, ular Sizni kutmoqdalar, yo Rasululloh», dedik. Odamlar masjidda toʻplanib, oxirgi xufton namozi uchun Rasululloh ﷺ ni kutib oʻtirishardi. Shunda Rasululloh ﷺ Abu Bakrga odamlarga (imom boʻlib) namoz oʻqishi haqida (xabar) yubordilar. Elchi unga kelib: «Rasululloh ﷺ sizga odamlarga namoz oʻqishingizni buyurmoqdalar», dedi. Abu Bakr — u koʻngli yumshoq kishi edi — «Ey Umar, odamlarga namoz oʻqib ber», dedi. Shunda Umar: «Sen bunga haqliroqsan», dedi. Shu kunlari odamlarga Abu Bakr namoz oʻqib berdi. Soʻng Rasululloh ﷺ oʻzlarida yengillik sezdilar va peshin namozi uchun ikki kishining oʻrtasida — biri Abbos edi — (suyanib) chiqdilar, Abu Bakr esa odamlarga namoz oʻqib turardi. Abu Bakr u zotni koʻrgach, orqaga chekinmoqchi boʻldi, ammo Nabiy ﷺ unga chekinmaslik haqida ishora qildilar va u ikkoviga: «Meni uning yoniga oʻtkazib qoʻyinglar», dedilar. Ular u zotni Abu Bakrning yoniga oʻtkazib qoʻyishdi. Abu Bakr tik turib Nabiy ﷺ ning namoziga (ergashib) namoz oʻqir, odamlar esa Abu Bakrning namoziga (ergashib) namoz oʻqishardi, Nabiy ﷺ esa oʻtirgan edilar. Ubaydulloh dedi: Soʻng men Abdulloh ibn Abbosning oldiga kirib unga: «Oisha menga Rasululloh ﷺ ning kasalliklari haqida aytib bergan (hadis)ni sizga keltirsam (boʻladimi)?» dedim. U: «Keltir», dedi. Men uning hadisini unga keltirdim, u undan hech narsani inkor qilmadi, faqat: «(Oisha) senga Abbos bilan birga boʻlgan kishining (ismini) aytib berdimi?» dedi. Men: «Yoʻq», dedim. U: «U Ali edi», dedi.Оиша (розияллоҳу анҳо)дан ривоят қилинади: Набий ﷺ нинг (касалликлари) оғирлашди ва: «Одамлар намоз ўқидими?» дедилар. Биз: «Йўқ, улар Сизни кутмоқдалар, ё Расулуллоҳ», дедик. У зот: «Менга тоғорада сув қўйинглар», дедилар. Биз шундай қилдик, у зот ғусл қилдилар, сўнг (ўринларидан) турмоқчи бўлдилар, аммо ҳушларидан кетдилар. Сўнг ўзларига келиб: «Одамлар намоз ўқидими?» дедилар. Биз: «Йўқ, улар Сизни кутмоқдалар, ё Расулуллоҳ», дедик. У зот: «Менга тоғорада сув қўйинглар», дедилар. Биз шундай қилдик, у зот ғусл қилдилар, сўнг турмоқчи бўлдилар, аммо ҳушларидан кетдилар. Сўнг ўзларига келиб: «Одамлар намоз ўқидими?» дедилар. Биз: «Йўқ, улар Сизни кутмоқдалар, ё Расулуллоҳ», дедик. У зот: «Менга тоғорада сув қўйинглар», дедилар. Биз шундай қилдик, у зот ғусл қилдилар, сўнг турмоқчи бўлдилар, аммо ҳушларидан кетдилар. Сўнг ўзларига келиб: «Одамлар намоз ўқидими?» дедилар. Биз: «Йўқ, улар Сизни кутмоқдалар, ё Расулуллоҳ», дедик. Одамлар масжидда тўпланиб, охирги хуфтон намози учун Расулуллоҳ ﷺ ни кутиб ўтиришарди. Шунда Расулуллоҳ ﷺ Абу Бакрга одамларга (имом бўлиб) намоз ўқиши ҳақида (хабар) юбордилар. Элчи унга келиб: «Расулуллоҳ ﷺ сизга одамларга намоз ўқишингизни буюрмоқдалар», деди. Абу Бакр — у кўнгли юмшоқ киши эди — «Эй Умар, одамларга намоз ўқиб бер», деди. Шунда Умар: «Сен бунга ҳақлироқсан», деди. Шу кунлари одамларга Абу Бакр намоз ўқиб берди. Сўнг Расулуллоҳ ﷺ ўзларида енгиллик сездилар ва пешин намози учун икки кишининг ўртасида — бири Аббос эди — (суяниб) чиқдилар, Абу Бакр эса одамларга намоз ўқиб турарди. Абу Бакр у зотни кўргач, орқага чекинмоқчи бўлди, аммо Набий ﷺ унга чекинмаслик ҳақида ишора қилдилар ва у икковига: «Мени унинг ёнига ўтказиб қўйинглар», дедилар. Улар у зотни Абу Бакрнинг ёнига ўтказиб қўйишди. Абу Бакр тик туриб Набий ﷺ нинг намозига (эргашиб) намоз ўқир, одамлар эса Абу Бакрнинг намозига (эргашиб) намоз ўқишарди, Набий ﷺ эса ўтирган эдилар. Убайдуллоҳ деди: Сўнг мен Абдуллоҳ ибн Аббоснинг олдига кириб унга: «Оиша менга Расулуллоҳ ﷺ нинг касалликлари ҳақида айтиб берган (ҳадис)ни сизга келтирсам (бўладими)?» дедим. У: «Келтир», деди. Мен унинг ҳадисини унга келтирдим, у ундан ҳеч нарсани инкор қилмади, фақат: «(Оиша) сенга Аббос билан бирга бўлган кишининг (исмини) айтиб бердими?» деди. Мен: «Йўқ», дедим. У: «У Али эди», деди.
وَحَدَّثَنِي إِبْرَاهِيمُ بْنُ مُحَمَّدِ بْنُ عَرْعَرَةَ السَّامِيُّ، وَمُحَمَّدُ بْنُ حَاتِمٍ، - وَتَقَارَبَا فِي
سِيَاقِ الْحَدِيثِ وَاللَّفْظُ لاِبْنِ حَاتِمٍ - قَالاَ حَدَّثَنَا عَبْدُ الرَّحْمَنِ بْنُ مَهْدِيٍّ حَدَّثَنَا الْمُثَنَّى بْنُ
سَعِيدٍ عَنْ أَبِي جَمْرَةَ عَنِ ابْنِ عَبَّاسٍ قَالَ لَمَّا بَلَغَ أَبَا ذَرٍّ مَبْعَثُ النَّبِيِّ صلى الله عليه
وسلم بِمَكَّةَ قَالَ لأَخِيهِ ارْكَبْ إِلَى هَذَا الْوَادِي فَاعْلَمْ لِي عِلْمَ هَذَا الرَّجُلِ الَّذِي يَزْعُمُ أَنَّهُ
يَأْتِيهِ الْخَبَرُ مِنَ السَّمَاءِ فَاسْمَعْ مِنْ قَوْلِهِ ثُمَّ ائْتِنِي . فَانْطَلَقَ الآخَرُ حَتَّى قَدِمَ مَكَّةَ وَسَمِعَ
مِنْ قَوْلِهِ ثُمَّ رَجَعَ إِلَى أَبِي ذَرٍّ فَقَالَ رَأَيْتُهُ يَأْمُرُ بِمَكَارِمِ الأَخْلاَقِ وَكَلاَمًا مَا هُوَ بِالشِّعْرِ
. فَقَالَ مَا شَفَيْتَنِي فِيمَا أَرَدْتُ . فَتَزَوَّدَ وَحَمَلَ شَنَّةً لَهُ فِيهَا مَاءٌ حَتَّى قَدِمَ مَكَّةَ فَأَتَى الْمَسْجِدَ
فَالْتَمَسَ النَّبِيَّ صلى الله عليه وسلم وَلاَ يَعْرِفُهُ وَكَرِهَ أَنْ يَسْأَلَ عَنْهُ حَتَّى أَدْرَكَهُ - يَعْنِي
اللَّيْلَ - فَاضْطَجَعَ فَرَآهُ عَلِيٌّ فَعَرَفَ أَنَّهُ غَرِيبٌ فَلَمَّا رَآهُ تَبِعَهُ فَلَمْ يَسْأَلْ وَاحِدٌ مِنْهُمَا
صَاحِبَهُ عَنْ شَىْءٍ حَتَّى أَصْبَحَ ثُمَّ احْتَمَلَ قُرَيْبَتَهُ وَزَادَهُ إِلَى الْمَسْجِدِ فَظَلَّ ذَلِكَ الْيَوْمَ وَلاَ
يَرَى النَّبِيَّ صلى الله عليه وسلم حَتَّى أَمْسَى فَعَادَ إِلَى مَضْجَعِهِ فَمَرَّ بِهِ عَلِيٌّ فَقَالَ مَا أَنَى
لِلرَّجُلِ أَنْ يَعْلَمَ مَنْزِلَهُ فَأَقَامَهُ فَذَهَبَ بِهِ مَعَهُ وَلاَ يَسْأَلُ وَاحِدٌ مِنْهُمَا صَاحِبَهُ عَنْ شَىْءٍ حَتَّى
إِذَا كَانَ يَوْمُ الثَّالِثِ فَعَلَ مِثْلَ ذَلِكَ فَأَقَامَهُ عَلِيٌّ مَعَهُ ثُمَّ قَالَ لَهُ أَلاَ تُحَدِّثُنِي مَا الَّذِي أَقْدَمَكَ
هَذَا الْبَلَدَ قَالَ إِنْ أَعْطَيْتَنِي عَهْدًا وَمِيثَاقًا لَتُرْشِدَنِّي فَعَلْتُ . فَفَعَلَ فَأَخْبَرَهُ فَقَالَ فَإِنَّهُ
حَقٌّ وَهُوَ رَسُولُ اللَّهِ صلى الله عليه وسلم فَإِذَا أَصْبَحْتَ فَاتَّبِعْنِي فَإِنِّي إِنْ رَأَيْتُ شَيْئًا
أَخَافُ عَلَيْكَ قُمْتُ كَأَنِّي أُرِيقُ الْمَاءَ فَإِنْ مَضَيْتُ فَاتَّبِعْنِي حَتَّى تَدْخُلَ مَدْخَلِي . فَفَعَلَ فَانْطَلَقَ
يَقْفُوهُ حَتَّى دَخَلَ عَلَى النَّبِيِّ صلى الله عليه وسلم وَدَخَلَ مَعَهُ فَسَمِعَ مِنْ قَوْلِهِ وَأَسْلَمَ مَكَانَهُ
فَقَالَ لَهُ النَّبِيُّ صلى الله عليه وسلم " ارْجِعْ إِلَى قَوْمِكَ فَأَخْبِرْهُمْ حَتَّى يَأْتِيَكَ أَمْرِي "
. فَقَالَ وَالَّذِي نَفْسِي بِيَدِهِ لأَصْرُخَنَّ بِهَا بَيْنَ ظَهْرَانَيْهِمْ . فَخَرَجَ حَتَّى أَتَى الْمَسْجِدَ فَنَادَى
بِأَعْلَى صَوْتِهِ أَشْهَدُ أَنْ لاَ إِلَهَ إِلاَّ اللَّهُ وَأَنَّ مُحَمَّدًا رَسُولُ اللَّهِ . وَثَارَ الْقَوْمُ فَضَرَبُوهُ حَتَّى
أَضْجَعُوهُ فَأَتَى الْعَبَّاسُ فَأَكَبَّ عَلَيْهِ فَقَالَ وَيْلَكُمْ أَلَسْتُمْ تَعْلَمُونَ أَنَّهُ مِنْ غِفَارٍ وَأَنَّ طَرِيقَ
تُجَّارِكُمْ إِلَى الشَّامِ عَلَيْهِمْ . فَأَنْقَذَهُ مِنْهُمْ ثُمَّ عَادَ مِنَ الْغَدِ بِمِثْلِهَا وَثَارُوا إِلَيْهِ فَضَرَبُوهُ
فَأَكَبَّ عَلَيْهِ الْعَبَّاسُ فَأَنْقَذَهُ .
Ibn Abbos (roziyallohu anhumo)dan rivoyat qilinadi: Abu Zarrga Nabiy ﷺ ning Makkada baʼsat qilinishlari (paygʻambar etib yuborilishlari) yetib kelganda, u akasiga: «Ushbu vodiyga (Makkaga) qarab yoʻlga chiq, men uchun osmondan oʻziga xabar kelishini daʼvo qilayotgan bu kishi haqida maʼlumot bil. Uning soʻzidan eshit, soʻng oldimga kel», — dedi. Bas, akasi yoʻlga chiqib, Makkaga keldi va uning soʻzidan eshitdi. Soʻng Abu Zarrning oldiga qaytib: «Men uni goʻzal axloqlarga buyurayotganini koʻrdim, (uning) soʻzi esa sheʼr emas ekan», — dedi. (Abu Zarr): «Sen meni xohlagan narsamda qanoatlantirmading (mendagi ishtiyoqni qondirmading)», — dedi. Soʻng u (yoʻl) ozuqasini olib, oʻzining bir meshini — ichida suvi bor — koʻtarib, Makkaga keldi. Masjidga (Kaʼbaga) kelib, Nabiy ﷺ ni qidirdi, ammo u zotni tanimas edi va u haqda (birovdan) soʻrashni xohlamadi, hatto tun yetib keldi. U yotdi. Uni Ali koʻrib, gʻarib (begona) ekanini bildi. Uni koʻrgach, (Ali) uning ortidan bordi. Tong otgunicha ikkovidan birortasi hamrohidan hech narsa soʻramadi. Soʻng (Abu Zarr) meshchasini va ozugʻini koʻtarib, Masjidga keldi va oʻsha kunni (shu yerda) oʻtkazdi, ammo kechgacha Nabiy ﷺ ni koʻrmadi. Soʻng oʻz yotogʻiga qaytdi. Uning yonidan Ali oʻtib: «Bu kishiga oʻz manzilini bilish vaqti boʻlmadimi?» — dedi va uni turgʻizib, oʻzi bilan olib ketdi. Ikkovidan birortasi hamrohidan hech narsa soʻramadi. Uchinchi kun boʻlganda, (Abu Zarr) shunday qildi (yana Masjidda qoldi) va Ali uni oʻzi bilan turgʻizdi. Soʻng unga: «Seni bu yurtga olib kelgan narsa nima ekanini menga aytib bermaysanmi?» — dedi. (Abu Zarr): «Agar sen menga meni toʻgʻri yoʻlga boshlashing haqida ahd va vasiqa bersang, (aytib beraman)», — dedi. (Ali) shunday qildi. Bas, u (Ali)ga xabar berdi. (Ali): «Albatta u (din) haqdir va u Rasululloh ﷺ dir. Tong otganda, mening ortimdan ergash. Agar men senga (xavf) deb qoʻrqadigan biror narsani koʻrsam, xuddi suv toʻkayotgandek turib qolaman; agar yurib ketsam, men kirgan joyga kirguningcha mening ortimdan ergash», — dedi. (Abu Zarr) shunday qildi va uning izidan ketdi, hatto u (Ali) Nabiy ﷺ ning huzurlariga kirdi, (Abu Zarr) ham u bilan birga kirdi va u zotning soʻzlaridan eshitib, oʻsha joyda Islomni qabul qildi. Shunda Nabiy ﷺ unga: «Qavmingga qayt va mening buyrugʻim senga yetib kelgunicha ularga (ushbu xabarni) yetkaz», — dedilar. (Abu Zarr): «Jonim Qoʻlida boʻlgan Zot bilan qasamki, men buni (kalimani) ular orasida baland ovozda qichqiraman», — dedi. Soʻng u chiqib, Masjidga keldi va eng baland ovozi bilan: «Ashhadu an lo ilaha illalloh va anna Muhammadan Rasululloh (Guvohlik beramanki, Allohdan boshqa iloh yoʻq va Muhammad Allohning Rasulidir)», — deya nido qildi. Shunda qavm (Quraysh) qoʻzgʻalib, uni yiqitgunlaricha urishdi. Bas, Abbos kelib, uning ustiga engashib: «Holingizga voy! Bilmaysizmi, u Gʻifordandir va Shomga (boradigan) savdogarlaringizning yoʻli ular (Gʻifor)ning ustidandir?!» — dedi va uni ulardan qutqarib oldi. Soʻng (Abu Zarr) ertasi kuni yana shunga oʻxshash (kalimani aytib qaytdi) va ular yana unga tashlanib, urishdi. Bas, Abbos uning ustiga engashib, uni qutqarib oldi.Ибн Аббос (розияллоҳу анҳумо)дан ривоят қилинади: Абу Заррга Набий ﷺ нинг Маккада баъсат қилинишлари (пайғамбар этиб юборилишлари) етиб келганда, у акасига: «Ушбу водийга (Маккага) қараб йўлга чиқ, мен учун осмондан ўзига хабар келишини даъво қилаётган бу киши ҳақида маълумот бил. Унинг сўзидан эшит, сўнг олдимга кел», — деди. Бас, акаси йўлга чиқиб, Маккага келди ва унинг сўзидан эшитди. Сўнг Абу Заррнинг олдига қайтиб: «Мен уни гўзал ахлоқларга буюраётганини кўрдим, (унинг) сўзи эса шеър эмас экан», — деди. (Абу Зарр): «Сен мени хоҳлаган нарсамда қаноатлантирмадинг (мендаги иштиёқни қондирмадинг)», — деди. Сўнг у (йўл) озуқасини олиб, ўзининг бир мешини — ичида суви бор — кўтариб, Маккага келди. Масжидга (Каъбага) келиб, Набий ﷺ ни қидирди, аммо у зотни танимас эди ва у ҳақда (бировдан) сўрашни хоҳламади, ҳатто тун етиб келди. У ётди. Уни Али кўриб, ғариб (бегона) эканини билди. Уни кўргач, (Али) унинг ортидан борди. Тонг отгунича икковидан бирортаси ҳамроҳидан ҳеч нарса сўрамади. Сўнг (Абу Зарр) мешчасини ва озуғини кўтариб, Масжидга келди ва ўша кунни (шу ерда) ўтказди, аммо кечгача Набий ﷺ ни кўрмади. Сўнг ўз ётоғига қайтди. Унинг ёнидан Али ўтиб: «Бу кишига ўз манзилини билиш вақти бўлмадими?» — деди ва уни турғизиб, ўзи билан олиб кетди. Икковидан бирортаси ҳамроҳидан ҳеч нарса сўрамади. Учинчи кун бўлганда, (Абу Зарр) шундай қилди (яна Масжидда қолди) ва Али уни ўзи билан турғизди. Сўнг унга: «Сени бу юртга олиб келган нарса нима эканини менга айтиб бермайсанми?» — деди. (Абу Зарр): «Агар сен менга мени тўғри йўлга бошлашинг ҳақида аҳд ва васиқа берсанг, (айтиб бераман)», — деди. (Али) шундай қилди. Бас, у (Али)га хабар берди. (Али): «Албатта у (дин) ҳақдир ва у Расулуллоҳ ﷺ дир. Тонг отганда, менинг ортимдан эргаш. Агар мен сенга (хавф) деб қўрқадиган бирор нарсани кўрсам, худди сув тўкаётгандек туриб қоламан; агар юриб кетсам, мен кирган жойга киргунингча менинг ортимдан эргаш», — деди. (Абу Зарр) шундай қилди ва унинг изидан кетди, ҳатто у (Али) Набий ﷺ нинг ҳузурларига кирди, (Абу Зарр) ҳам у билан бирга кирди ва у зотнинг сўзларидан эшитиб, ўша жойда Исломни қабул қилди. Шунда Набий ﷺ унга: «Қавмингга қайт ва менинг буйруғим сенга етиб келгунича уларга (ушбу хабарни) етказ», — дедилар. (Абу Зарр): «Жоним Қўлида бўлган Зот билан қасамки, мен буни (калимани) улар орасида баланд овозда қичқираман», — деди. Сўнг у чиқиб, Масжидга келди ва энг баланд овози билан: «Ашҳаду ан ло илаҳа иллаллоҳ ва анна Муҳаммадан Расулуллоҳ (Гувоҳлик бераманки, Аллоҳдан бошқа илоҳ йўқ ва Муҳаммад Аллоҳнинг Расулидир)», — дея нидо қилди. Шунда қавм (Қурайш) қўзғалиб, уни йиқитгунларича уришди. Бас, Аббос келиб, унинг устига энгашиб: «Ҳолингизга вой! Билмайсизми, у Ғифордандир ва Шомга (борадиган) савдогарларингизнинг йўли улар (Ғифор)нинг устидандир?!» — деди ва уни улардан қутқариб олди. Сўнг (Абу Зарр) эртаси куни яна шунга ўхшаш (калимани айтиб қайтди) ва улар яна унга ташланиб, уришди. Бас, Аббос унинг устига энгашиб, уни қутқариб олди.
حَدَّثَنِي عَبْدُ اللَّهِ بْنُ هَاشِمِ بْنِ حَيَّانَ الْعَبْدِيُّ، حَدَّثَنَا عَبْدُ الرَّحْمَنِ، - يَعْنِي ابْنَ مَهْدِيٍّ - حَدَّثَنَا سُفْيَانُ، عَنْ سَلَمَةَ بْنِ كُهَيْلٍ، عَنْ كُرَيْبٍ، عَنِ ابْنِ عَبَّاسٍ، قَالَ بِتُّ لَيْلَةً عِنْدَ خَالَتِي مَيْمُونَةَ فَقَامَ النَّبِيُّ صلى الله عليه وسلم مِنَ اللَّيْلِ فَأَتَى حَاجَتَهُ ثُمَّ غَسَلَ وَجْهَهُ وَيَدَيْهِ ثُمَّ نَامَ ثُمَّ قَامَ فَأَتَى الْقِرْبَةَ فَأَطْلَقَ شِنَاقَهَا ثُمَّ تَوَضَّأَ وُضُوءًا بَيْنَ الْوُضُوءَيْنِ وَلَمْ يُكْثِرْ وَقَدْ أَبْلَغَ ثُمَّ قَامَ فَصَلَّى فَقُمْتُ فَتَمَطَّيْتُ كَرَاهِيَةَ أَنْ يَرَى أَنِّي كُنْتُ أَنْتَبِهُ لَهُ فَتَوَضَّأْتُ فَقَامَ فَصَلَّى فَقُمْتُ عَنْ يَسَارِهِ فَأَخَذَ بِيَدِي فَأَدَارَنِي عَنْ يَمِينِهِ فَتَتَامَّتْ صَلاَةُ رَسُولِ اللَّهِ صلى الله عليه وسلم مِنَ اللَّيْلِ ثَلاَثَ عَشْرَةَ رَكْعَةً ثُمَّ اضْطَجَعَ فَنَامَ حَتَّى نَفَخَ وَكَانَ إِذَا نَامَ نَفَخَ فَأَتَاهُ بِلاَلٌ فَآذَنَهُ بِالصَّلاَةِ فَقَامَ فَصَلَّى وَلَمْ يَتَوَضَّأْ وَكَانَ فِي دُعَائِهِ " اللَّهُمَّ اجْعَلْ فِي قَلْبِي نُورًا وَفِي بَصَرِي نُورًا وَفِي سَمْعِي نُورًا وَعَنْ يَمِينِي نُورًا وَعَنْ يَسَارِي نُورًا وَفَوْقِي نُورًا وَتَحْتِي نُورًا وَأَمَامِي نُورًا وَخَلْفِي نُورًا وَعَظِّمْ لِي نُورًا " . قَالَ كُرَيْبٌ وَسَبْعًا فِي التَّابُوتِ فَلَقِيتُ بَعْضَ وَلَدِ الْعَبَّاسِ فَحَدَّثَنِي بِهِنَّ فَذَكَرَ عَصَبِي وَلَحْمِي وَدَمِي وَشَعَرِي وَبَشَرِي وَذَكَرَ خَصْلَتَيْنِ .
Ibn Abbos (roziyallohu anhumo)dan rivoyat qilinadi: Men bir kechasi xolam Maymunaning huzurida tunadim. Nabiy ﷺ tunda turib, hojatlarini bajardilar, soʻng yuzlarini va qoʻllarini yuvdilar, soʻng uxladilar. Soʻng turib, mesh (suv idishi) oldiga keldilar-da, uning bogʻichini yechdilar, soʻng ikki taharatning oʻrtasidagi (oʻrtacha) taharat qildilar — koʻp (suv ishlatmadilar), ammo (taharatni) mukammal qildilar. Soʻng turib namoz oʻqidilar. Men ham turdim-da, u zot meni oʻzlarini kuzatib turganimni bilib qolishlarini yoqtirmay kerishdim, soʻng taharat qildim. U zot turib namoz oʻqidilar, men u zotning chap tomonlarida turdim. Shunda u zot qoʻlimdan ushlab, meni oʻng tomonlariga aylantirib oʻtkazdilar. Rasululloh ﷺ ning tundagi namozlari oʻn uch rakaatga toʻldi. Soʻng yonboshlab uxladilar, hatto (pishqirib) xurrak otdilar — u zot uxlasalar xurrak otardilar. Soʻng Bilol kelib, u zotni namozdan ogohlantirdi. U zot turib namoz oʻqidilar, taharat qilmadilar. U zotning duolarida (shu soʻzlar) bor edi: «Allohim, qalbimga nur, koʻzimga nur, qulogʻimga nur, oʻngimga nur, chapimga nur, ustimga nur, ostimga nur, oldimga nur, ortimga nur qil va men uchun nurni ulkan qil». Kurayb dedi: Va sandiqda (yodda saqlangan) yetta (soʻz ham bor edi). Soʻng men Abbosning farzandlaridan biriga uchrashdim, u menga ularni hadis qilib aytdi va paylarim, goʻshtim, qonim, sochim va terimni zikr qildi, yana ikki xislatni zikr qildi.Ибн Аббос (розияллоҳу анҳумо)дан ривоят қилинади: Мен бир кечаси холам Маймунанинг ҳузурида тунадим. Набий ﷺ тунда туриб, ҳожатларини бажардилар, сўнг юзларини ва қўлларини ювдилар, сўнг ухладилар. Сўнг туриб, меш (сув идиши) олдига келдилар-да, унинг боғичини ечдилар, сўнг икки таҳаратнинг ўртасидаги (ўртача) таҳарат қилдилар — кўп (сув ишлатмадилар), аммо (таҳаратни) мукаммал қилдилар. Сўнг туриб намоз ўқидилар. Мен ҳам турдим-да, у зот мени ўзларини кузатиб турганимни билиб қолишларини ёқтирмай керишдим, сўнг таҳарат қилдим. У зот туриб намоз ўқидилар, мен у зотнинг чап томонларида турдим. Шунда у зот қўлимдан ушлаб, мени ўнг томонларига айлантириб ўтказдилар. Расулуллоҳ ﷺ нинг тундаги намозлари ўн уч ракаатга тўлди. Сўнг ёнбошлаб ухладилар, ҳатто (пишқириб) хуррак отдилар — у зот ухласалар хуррак отардилар. Сўнг Билол келиб, у зотни намоздан огоҳлантирди. У зот туриб намоз ўқидилар, таҳарат қилмадилар. У зотнинг дуоларида (шу сўзлар) бор эди: «Аллоҳим, қалбимга нур, кўзимга нур, қулоғимга нур, ўнгимга нур, чапимга нур, устимга нур, остимга нур, олдимга нур, ортимга нур қил ва мен учун нурни улкан қил». Курайб деди: Ва сандиқда (ёдда сақланган) етта (сўз ҳам бор эди). Сўнг мен Аббоснинг фарзандларидан бирига учрашдим, у менга уларни ҳадис қилиб айтди ва пайларим, гўштим, қоним, сочим ва теримни зикр қилди, яна икки хислатни зикр қилди.
وَحَدَّثَنِي هَارُونُ بْنُ عَبْدِ اللَّهِ، وَمُحَمَّدُ بْنُ رَافِعٍ، قَالاَ حَدَّثَنَا وَهْبُ بْنُ جَرِيرٍ، أَخْبَرَنِي أَبِي قَالَ، سَمِعْتُ قَيْسَ بْنَ سَعْدٍ، يُحَدِّثُ عَنْ عَطَاءٍ، عَنِ ابْنِ عَبَّاسٍ، قَالَ بَعَثَنِي الْعَبَّاسُ إِلَى النَّبِيِّ صلى الله عليه وسلم وَهُوَ فِي بَيْتِ خَالَتِي مَيْمُونَةَ فَبِتُّ مَعَهُ تِلْكَ اللَّيْلَةَ فَقَامَ يُصَلِّي مِنَ اللَّيْلِ فَقُمْتُ عَنْ يَسَارِهِ فَتَنَاوَلَنِي مِنْ خَلْفِ ظَهْرِهِ فَجَعَلَنِي عَلَى يَمِينِهِ .
Ibn Abbos (roziyallohu anhumo)dan rivoyat qilinadi: (Otam) Abbos meni Nabiy ﷺ ning huzurlariga yubordi, u (zot) xolam Maymunaning uyida edilar. Men oʻsha kechasi u (zot) bilan tunadim. (U zot) tunda namoz oʻqish uchun turdilar, men esa chap tomonlariga turdim. Shunda (u zot) meni orqalaridan ushlab, oʻng tomonlariga oʻtkazdilar.Ибн Аббос (розияллоҳу анҳумо)дан ривоят қилинади: (Отам) Аббос мени Набий ﷺ нинг ҳузурларига юборди, у (зот) холам Маймунанинг уйида эдилар. Мен ўша кечаси у (зот) билан тунадим. (У зот) тунда намоз ўқиш учун турдилар, мен эса чап томонларига турдим. Шунда (у зот) мени орқаларидан ушлаб, ўнг томонларига ўтказдилар.