أَخْبَرَنَا الْعَبَّاسُ بْنُ عَبْدِ الْعَظِيمِ الْعَنْبَرِيُّ، قَالَ حَدَّثَنَا عَبْدُ الْكَبِيرِ بْنُ عَبْدِ الْمَجِيدِ، قَالَ حَدَّثَنَا بُكَيْرُ بْنُ مِسْمَارٍ، قَالَ سَمِعْتُ عَامِرَ بْنَ سَعْدٍ، عَنْ أَبِيهِ، أَنَّهُ اشْتَكَى بِمَكَّةَ فَجَاءَهُ رَسُولُ اللَّهِ صلى الله عليه وسلم فَلَمَّا رَآهُ سَعْدٌ بَكَى وَقَالَ يَا رَسُولَ اللَّهِ أَمُوتُ بِالأَرْضِ الَّتِي هَاجَرْتَ مِنْهَا قَالَ " لاَ إِنْ شَاءَ اللَّهُ ". وَقَالَ يَا رَسُولَ اللَّهِ أُوصِي بِمَالِي كُلِّهِ فِي سَبِيلِ اللَّهِ قَالَ " لاَ ". قَالَ يَعْنِي بِثُلُثَيْهِ قَالَ " لاَ ". قَالَ فَنِصْفَهُ قَالَ " لاَ ". قَالَ فَثُلُثَهُ قَالَ رَسُولُ اللَّهِ صلى الله عليه وسلم " الثُّلُثَ وَالثُّلُثُ كَثِيرٌ إِنَّكَ أَنْ تَتْرُكَ بَنِيكَ أَغْنِيَاءَ خَيْرٌ مِنْ أَنْ تَتْرُكَهُمْ عَالَةً يَتَكَفَّفُونَ النَّاسَ ".
Saʼd ibn Abu Vaqqos (roziyallohu anhu)dan rivoyat qilinadi: U Makkada ogʻrib qoldi va Rasululloh ﷺ uning oldiga keldilar. Saʼd u zotni koʻrgach yigʻladi va: «Ey Rasululloh, siz hijrat qilib chiqqan yerda oʻlib ketamanmi?» dedi. U zot: «Yoʻq, inshaalloh», dedilar. U: «Ey Rasululloh, molimning hammasini Alloh yoʻlida vasiyat qilaymi?» dedi. U zot: «Yoʻq», dedilar. U: «Uchdan ikkisini-chi?» dedi. U zot: «Yoʻq», dedilar. U: «Yarmini-chi?» dedi. U zot: «Yoʻq», dedilar. U: «Uchdan birini-chi?» dedi. Rasululloh ﷺ: «Uchdan birini, uchdan biri ham koʻpdir. Bolalaringni boy qoldirishing, ularni odamlarga qoʻl choʻzadigan muhtoj qilib qoldirishingdan koʻra yaxshiroqdir», dedilar.Саъд ибн Абу Ваққос (розияллоҳу анҳу)дан ривоят қилинади: У Маккада оғриб қолди ва Расулуллоҳ ﷺ унинг олдига келдилар. Саъд у зотни кўргач йиғлади ва: «Эй Расулуллоҳ, сиз ҳижрат қилиб чиққан ерда ўлиб кетаманми?» деди. У зот: «Йўқ, иншааллоҳ», дедилар. У: «Эй Расулуллоҳ, молимнинг ҳаммасини Аллоҳ йўлида васият қилайми?» деди. У зот: «Йўқ», дедилар. У: «Учдан иккисини-чи?» деди. У зот: «Йўқ», дедилар. У: «Ярмини-чи?» деди. У зот: «Йўқ», дедилар. У: «Учдан бирини-чи?» деди. Расулуллоҳ ﷺ: «Учдан бирини, учдан бири ҳам кўпдир. Болаларингни бой қолдиришинг, уларни одамларга қўл чўзадиган муҳтож қилиб қолдиришингдан кўра яхшироқдир», дедилар.