حَدَّثَنَا مُوسَى بْنُ إِسْمَاعِيلَ، حَدَّثَنَا إِسْمَاعِيلُ، - يَعْنِي ابْنَ جَعْفَرٍ - أَخْبَرَنِي مُحَمَّدُ بْنُ أَبِي حَرْمَلَةَ، أَخْبَرَنِي كُرَيْبٌ، أَنَّ أُمَّ الْفَضْلِ ابْنَةَ الْحَارِثِ، بَعَثَتْهُ إِلَى مُعَاوِيَةَ بِالشَّامِ قَالَ فَقَدِمْتُ الشَّامَ فَقَضَيْتُ حَاجَتَهَا فَاسْتُهِلَّ رَمَضَانُ وَأَنَا بِالشَّامِ فَرَأَيْنَا الْهِلاَلَ لَيْلَةَ الْجُمُعَةِ ثُمَّ قَدِمْتُ الْمَدِينَةَ فِي آخِرِ الشَّهْرِ فَسَأَلَنِي ابْنُ عَبَّاسٍ ثُمَّ ذَكَرَ الْهِلاَلَ فَقَالَ مَتَى رَأَيْتُمُ الْهِلاَلَ قُلْتُ رَأَيْتُهُ لَيْلَةَ الْجُمُعَةِ . قَالَ أَنْتَ رَأَيْتَهُ قُلْتُ نَعَمْ وَرَآهُ النَّاسُ وَصَامُوا وَصَامَ مُعَاوِيَةُ . قَالَ لَكِنَّا رَأَيْنَاهُ لَيْلَةَ السَّبْتِ فَلاَ نَزَالُ نَصُومُهُ حَتَّى نُكْمِلَ الثَّلاَثِينَ أَوْ نَرَاهُ . فَقُلْتُ أَفَلاَ تَكْتَفِي بِرُؤْيَةِ مُعَاوِيَةَ وَصِيَامِهِ قَالَ لاَ هَكَذَا أَمَرَنَا رَسُولُ اللَّهِ صلى الله عليه وسلم .
Kurayb (rahimahulloh)dan rivoyat qilinadiki, Ummul Fazl binti Horis uni Shomdagi Muoviyaning oldiga yuborgan edi. U aytadi: Men Shomga keldim va uning ishini bajardim. Men Shomda ekanligimda Ramazon kirdi va biz juma kechasi oyni koʻrdik. Soʻng men oyning oxirida Madinaga keldim. Ibn Abbos (roziyallohu anhumo) mendan soʻradi, keyin oyni eslab: «Oyni qachon koʻrdingiz?» dedi. Men: «Uni juma kechasi koʻrdim», dedim. U: «Sen oʻzing koʻrdingmi?» dedi. Men: «Ha, odamlar ham koʻrdilar, roʻza tutdilar va Muoviya ham roʻza tutdi», dedim. U: «Lekin biz uni shanba kechasi koʻrdik. Shu sababli biz oʻttizni toʻldirmagunimizcha yoki uni koʻrmagunimizcha roʻza tutaveramiz», dedi. Men: «Muoviyaning koʻrgani va roʻza tutgani senga kifoya qilmaydimi?» dedim. U: «Yoʻq, bizni Rasululloh ﷺ ana shunday buyurganlar», dedi.Курайб (раҳимаҳуллоҳ)дан ривоят қилинадики, Уммул Фазл бинти Ҳорис уни Шомдаги Муовиянинг олдига юборган эди. У айтади: Мен Шомга келдим ва унинг ишини бажардим. Мен Шомда эканлигимда Рамазон кирди ва биз жума кечаси ойни кўрдик. Сўнг мен ойнинг охирида Мадинага келдим. Ибн Аббос (розияллоҳу анҳумо) мендан сўради, кейин ойни эслаб: «Ойни қачон кўрдингиз?» деди. Мен: «Уни жума кечаси кўрдим», дедим. У: «Сен ўзинг кўрдингми?» деди. Мен: «Ҳа, одамлар ҳам кўрдилар, рўза тутдилар ва Муовия ҳам рўза тутди», дедим. У: «Лекин биз уни шанба кечаси кўрдик. Шу сабабли биз ўттизни тўлдирмагунимизча ёки уни кўрмагунимизча рўза тутаверамиз», деди. Мен: «Муовиянинг кўргани ва рўза тутгани сенга кифоя қилмайдими?» дедим. У: «Йўқ, бизни Расулуллоҳ ﷺ ана шундай буюрганлар», деди.