حَدَّثَنَا خَلَفُ بْنُ هِشَامٍ، حَدَّثَنَا حَمَّادُ بْنُ زَيْدٍ، عَنْ يَحْيَى بْنِ سَعِيدٍ، عَنْ مُحَمَّدِ بْنِ، يَحْيَى بْنِ حَبَّانَ عَنْ أَنَسِ بْنِ مَالِكٍ، عَنْ أُمِّ حَرَامٍ، وَهْىَ خَالَةُ أَنَسٍ قَالَتْ أَتَانَا النَّبِيُّ صلى الله عليه وسلم يَوْمًا فَقَالَ عِنْدَنَا فَاسْتَيْقَظَ وَهُوَ يَضْحَكُ فَقُلْتُ مَا يُضْحِكُكَ يَا رَسُولَ اللَّهِ بِأَبِي أَنْتَ وَأُمِّي قَالَ " أُرِيتُ قَوْمًا مِنْ أُمَّتِي يَرْكَبُونَ ظَهْرَ الْبَحْرِ كَالْمُلُوكِ عَلَى الأَسِرَّةِ " . فَقُلْتُ ادْعُ اللَّهَ أَنْ يَجْعَلَنِي مِنْهُمْ قَالَ " فَإِنَّكِ مِنْهُمْ " . قَالَتْ ثُمَّ نَامَ فَاسْتَيْقَظَ أَيْضًا وَهُوَ يَضْحَكُ فَسَأَلْتُهُ فَقَالَ مِثْلَ مَقَالَتِهِ فَقُلْتُ ادْعُ اللَّهَ أَنْ يَجْعَلَنِي مِنْهُمْ . قَالَ " أَنْتِ مِنَ الأَوَّلِينَ " . قَالَ فَتَزَوَّجَهَا عُبَادَةُ بْنُ الصَّامِتِ بَعْدُ فَغَزَا فِي الْبَحْرِ فَحَمَلَهَا مَعَهُ فَلَمَّا أَنْ جَاءَتْ قُرِّبَتْ لَهَا بَغْلَةٌ فَرَكِبَتْهَا فَصَرَعَتْهَا فَانْدَقَّتْ عُنُقُهَا .
Ummu Harom binti Milhon (roziyallohu anho)dan rivoyat qilinadi: bir kuni Nabiy ﷺ bizning oldimizga keldilar va yonimizda qaylula qildilar (uxladilar). Soʻng kulgan holda uygʻondilar. Men: «Sizni nima kuldirdi, yo Rasululloh, otam-onam Sizga fido boʻlsin?» dedim. (U zot): «Menga ummatimdan bir qavm koʻrsatildi — ular taxtlar ustidagi podshohlar kabi dengiz uzra kema bilan suzmoqdalar», dedilar. Men: «Allohga duo qiling, meni ulardan qilsin», dedim. (U zot): «Sen ulardansan», dedilar. (Ummu Harom) aytdi: soʻng uxladilar, yana kulgan holda uygʻondilar. Men u zotdan soʻradim, u zot oʻzlari aytgan (oldingi) gapdek (javob) aytdilar. Men: «Allohga duo qiling, meni ulardan qilsin», dedim. (U zot): «Sen avvalgilardansan», dedilar. (Anas) aytdi: keyin Uboda ibn as-Somit unga uylandi va dengizda gʻazot qildi hamda uni oʻzi bilan olib bordi. (Ummu Harom) kelganida, unga bir xachir yaqinlashtirildi, u unga mindi, (xachir) uni yiqitdi va boʻyni sindi (vafot etdi).Умму Ҳаром бинти Милҳон (розияллоҳу анҳо)дан ривоят қилинади: бир куни Набий ﷺ бизнинг олдимизга келдилар ва ёнимизда қайлула қилдилар (ухладилар). Сўнг кулган ҳолда уйғондилар. Мен: «Сизни нима кулдирди, ё Расулуллоҳ, отам-онам Сизга фидо бўлсин?» дедим. (У зот): «Менга умматимдан бир қавм кўрсатилди — улар тахтлар устидаги подшоҳлар каби денгиз узра кема билан сузмоқдалар», дедилар. Мен: «Аллоҳга дуо қилинг, мени улардан қилсин», дедим. (У зот): «Сен улардансан», дедилар. (Умму Ҳаром) айтди: сўнг ухладилар, яна кулган ҳолда уйғондилар. Мен у зотдан сўрадим, у зот ўзлари айтган (олдинги) гапдек (жавоб) айтдилар. Мен: «Аллоҳга дуо қилинг, мени улардан қилсин», дедим. (У зот): «Сен аввалгилардансан», дедилар. (Анас) айтди: кейин Убода ибн ас-Сомит унга уйланди ва денгизда ғазот қилди ҳамда уни ўзи билан олиб борди. (Умму Ҳаром) келганида, унга бир хачир яқинлаштирилди, у унга минди, (хачир) уни йиқитди ва бўйни синди (вафот этди).