وَحَدَّثَنِي مُحَمَّدُ بْنُ عَبْدِ اللَّهِ بْنِ نُمَيْرٍ، حَدَّثَنَا عَبْدُ اللَّهِ بْنُ يَزِيدَ، حَدَّثَنِي حَيْوَةُ، حَدَّثَنِي أَبُو صَخْرٍ، عَنْ يَزِيدَ بْنِ عَبْدِ اللَّهِ بْنِ قُسَيْطٍ، أَنَّهُ حَدَّثَهُ أَنَّ دَاوُدَ بْنَ عَامِرِ بْنِ سَعْدِ بْنِ أَبِي وَقَّاصٍ حَدَّثَهُ عَنْ أَبِيهِ، أَنَّهُ كَانَ قَاعِدًا عِنْدَ عَبْدِ اللَّهِ بْنِ عُمَرَ إِذْ طَلَعَ خَبَّابٌ صَاحِبُ الْمَقْصُورَةِ فَقَالَ يَا عَبْدَ اللَّهِ بْنَ عُمَرَ أَلاَ تَسْمَعُ مَا يَقُولُ أَبُو هُرَيْرَةَ إِنَّهُ سَمِعَ رَسُولَ اللَّهِ صلى الله عليه وسلم يَقُولُ " مَنْ خَرَجَ مَعَ جَنَازَةٍ مِنْ بَيْتِهَا وَصَلَّى عَلَيْهَا ثُمَّ تَبِعَهَا حَتَّى تُدْفَنَ كَانَ لَهُ قِيرَاطَانِ مِنْ أَجْرٍ كُلُّ قِيرَاطٍ مِثْلُ أُحُدٍ وَمَنْ صَلَّى عَلَيْهَا ثُمَّ رَجَعَ كَانَ لَهُ مِنَ الأَجْرِ مِثْلُ أُحُدٍ " . فَأَرْسَلَ ابْنُ عُمَرَ خَبَّابًا إِلَى عَائِشَةَ يَسْأَلُهَا عَنْ قَوْلِ أَبِي هُرَيْرَةَ ثُمَّ يَرْجِعُ إِلَيْهِ فَيُخْبِرُهُ مَا قَالَتْ وَأَخَذَ ابْنُ عُمَرَ قَبْضَةً مِنْ حَصَى الْمَسْجِدِ يُقَلِّبُهَا فِي يَدِهِ حَتَّى رَجَعَ إِلَيْهِ الرَّسُولُ فَقَالَ قَالَتْ عَائِشَةُ صَدَقَ أَبُو هُرَيْرَةَ . فَضَرَبَ ابْنُ عُمَرَ بِالْحَصَى الَّذِي كَانَ فِي يَدِهِ الأَرْضَ ثُمَّ قَالَ لَقَدْ فَرَّطْنَا فِي قَرَارِيطَ كَثِيرَةٍ .
Saʼd ibn Abu Vaqqos (roziyallohu anhu)dan rivoyat qilinadi: u Abdulloh ibn Umarning huzurida oʻtirgan edi. Shu payt maqsuralik Xabbob koʻrinib: «Yo Abdulloh ibn Umar, Abu Hurayra nima deyayotganini eshitmaysanmi? U Rasululloh ﷺ ning: ‹Kim janoza bilan uning uyidan chiqib, unga (janoza) namozi oʻqisa, soʻng dafn etilgunicha unga ergashsa, unga ikki qirot ajr boʻladi. Har bir qirot Uhud (togʻi)dek (kattalikda). Kim unga (janoza) namozini oʻqib, soʻng qaytib ketsa, unga Uhud (togʻi)dek ajr boʻladi› deyayotganlarini eshitibdi», dedi. Shunda Ibn Umar Xabbobni Oishaning oldiga, undan Abu Hurayraning soʻzi haqida soʻrab, soʻng oʻziga qaytib kelib (Oisha) nima deganini xabar berishi uchun yubordi. Ibn Umar masjid shagʻalidan bir hovuch olib, elchi (Xabbob) qaytib kelgunicha uni qoʻlida agʻdarib oʻtirdi. (Xabbob qaytib): «Oisha: ‹Abu Hurayra rost aytibdi› dedi», dedi. Shunda Ibn Umar qoʻlidagi shagʻalni yerga urib, soʻng: «Biz koʻp qirotlardan mahrum boʻlibmiz», dedi.Саъд ибн Абу Ваққос (розияллоҳу анҳу)дан ривоят қилинади: у Абдуллоҳ ибн Умарнинг ҳузурида ўтирган эди. Шу пайт мақсуралик Хаббоб кўриниб: «Ё Абдуллоҳ ибн Умар, Абу Ҳурайра нима деяётганини эшитмайсанми? У Расулуллоҳ ﷺ нинг: ‹Ким жаноза билан унинг уйидан чиқиб, унга (жаноза) намози ўқиса, сўнг дафн этилгунича унга эргашса, унга икки қирот ажр бўлади. Ҳар бир қирот Уҳуд (тоғи)дек (катталикда). Ким унга (жаноза) намозини ўқиб, сўнг қайтиб кетса, унга Уҳуд (тоғи)дек ажр бўлади› деяётганларини эшитибди», деди. Шунда Ибн Умар Хаббобни Оишанинг олдига, ундан Абу Ҳурайранинг сўзи ҳақида сўраб, сўнг ўзига қайтиб келиб (Оиша) нима деганини хабар бериши учун юборди. Ибн Умар масжид шағалидан бир ҳовуч олиб, элчи (Хаббоб) қайтиб келгунича уни қўлида ағдариб ўтирди. (Хаббоб қайтиб): «Оиша: ‹Абу Ҳурайра рост айтибди› деди», деди. Шунда Ибн Умар қўлидаги шағални ерга уриб, сўнг: «Биз кўп қиротлардан маҳрум бўлибмиз», деди.