Umar ibn Abu Salama (roziyallohu anhu)dan rivoyat qilinadi: U Rasululloh ﷺning Umm Salamaning uyida bitta kiyimga oʻralgan holda namoz oʻqiyotganlarini koʻrdi. (Abu Iso) aytdi: Bu bobda Abu Hurayra, Jobir, Salama ibn al-Akvaʼ, Anas, Amr ibn Abu Usayd, Uboda ibn as-Somit, Abu Said, Kayson, Ibn Abbos, Oisha, Umm Honiʼ, Ammor ibn Yosir, Talq ibn Ali va Somit al-Ansoriydan ham (rivoyatlar) bor. Abu Iso aytdi: Umar ibn Abu Salamaning hadisi hasan sahih hadisdir. Nabiy ﷺning sahobalaridan va ulardan keyingi tobiinlar hamda boshqalardan boʻlgan aksar ahli ilm nazdida amal shunga (muvofiq)dir, ular: «Bitta kiyimda namoz oʻqishda zarar yoʻq», deganlar. Ahli ilmdan baʼzilari esa: «Kishi ikki kiyimda namoz oʻqisin», deganlar.Умар ибн Абу Салама (розияллоҳу анҳу)дан ривоят қилинади: У Расулуллоҳ ﷺнинг Умм Саламанинг уйида битта кийимга ўралган ҳолда намоз ўқиётганларини кўрди. (Абу Исо) айтди: Бу бобда Абу Ҳурайра, Жобир, Салама ибн ал-Акваъ, Анас, Амр ибн Абу Усайд, Убода ибн ас-Сомит, Абу Саид, Кайсон, Ибн Аббос, Оиша, Умм Ҳониъ, Аммор ибн Ёсир, Талқ ибн Али ва Сомит ал-Ансорийдан ҳам (ривоятлар) бор. Абу Исо айтди: Умар ибн Абу Саламанинг ҳадиси ҳасан саҳиҳ ҳадисдир. Набий ﷺнинг саҳобаларидан ва улардан кейинги тобиинлар ҳамда бошқалардан бўлган аксар аҳли илм наздида амал шунга (мувофиқ)дир, улар: «Битта кийимда намоз ўқишда зарар йўқ», деганлар. Аҳли илмдан баъзилари эса: «Киши икки кийимда намоз ўқисин», деганлар.