Anas (roziyallohu anhu)dan rivoyat qilinadiki, Rasululloh ﷺ shunday dedilar: «(Umrining) oxiri nima bilan tugashini koʻrmagunicha hech kimdan hayratlanmasligingiz (yaxshiroqdir). Chunki amal qiluvchi umrining bir muddatini yoki zamonining bir qismini shunday solih amal bilan oʻtkazadiki, agar shu holda oʻlsa, jannatga kirar edi; soʻng u oʻzgarib, yomon amal qiladi. Va banda zamonining bir qismini shunday yomon amal bilan oʻtkazadiki, agar shu holda oʻlsa, doʻzaxga kirar edi; soʻng u oʻzgarib, solih amal qiladi. Alloh bir banda haqida yaxshilik istasa, oʻlimidan oldin uni (amalga) ishlatadi». Ular: «Ey Allohning Rasuli, uni qanday ishlatadi?» dedilar. U zot: «Uni solih amalga muvaffaq qiladi, soʻng shu (amal) uzra jonini oladi», dedilar.Анас (розияллоҳу анҳу)дан ривоят қилинадики, Расулуллоҳ ﷺ шундай дедилар: «(Умрининг) охири нима билан тугашини кўрмагунича ҳеч кимдан ҳайратланмаслигингиз (яхшироқдир). Чунки амал қилувчи умрининг бир муддатини ёки замонининг бир қисмини шундай солиҳ амал билан ўтказадики, агар шу ҳолда ўлса, жаннатга кирар эди; сўнг у ўзгариб, ёмон амал қилади. Ва банда замонининг бир қисмини шундай ёмон амал билан ўтказадики, агар шу ҳолда ўлса, дўзахга кирар эди; сўнг у ўзгариб, солиҳ амал қилади. Аллоҳ бир банда ҳақида яхшилик истаса, ўлимидан олдин уни (амалга) ишлатади». Улар: «Эй Аллоҳнинг Расули, уни қандай ишлатади?» дедилар. У зот: «Уни солиҳ амалга муваффақ қилади, сўнг шу (амал) узра жонини олади», дедилар.