Abdulloh ibn Muhammad ibn Aqil aytdi: Ali ibn Husayn meni Rubayyiʼ bint Muavviz ibn Afroning oldiga yubordi. Men undan Rasululloh ﷺning tahoratlari haqida soʻradim. U bir mudd yoki bir mudd-u chorak (suv) sigʻadigan idishni chiqarib dedi: «Men u zotga shu bilan suv chiqarardim. U zot qoʻllariga uch marta suv quyardilar, yuzlarini uch marta yuvardilar, uch marta ogʻiz chayardilar, uch marta burunga suv tortardilar, oʻng qoʻllarini uch marta va chap qoʻllarini uch marta yuvardilar, boshlariga oldinga va orqaga mash tortardilar, soʻng oyoqlarini uch marta yuvardilar. Sening amakivachchang — Ibn Abbos — mening oldimga kelib soʻragan edi, men unga xabar berdim. U menga: ‹Men Allohning Kitobida ikki mash va ikki yuvishdan boshqasini topmayapman›, dedi».Абдуллоҳ ибн Муҳаммад ибн Ақил айтди: Али ибн Ҳусайн мени Рубаййиъ бинт Муаввиз ибн Афронинг олдига юборди. Мен ундан Расулуллоҳ ﷺнинг таҳоратлари ҳақида сўрадим. У бир мудд ёки бир мудд-у чорак (сув) сиғадиган идишни чиқариб деди: «Мен у зотга шу билан сув чиқарардим. У зот қўлларига уч марта сув қуярдилар, юзларини уч марта ювардилар, уч марта оғиз чаярдилар, уч марта бурунга сув тортардилар, ўнг қўлларини уч марта ва чап қўлларини уч марта ювардилар, бошларига олдинга ва орқага маш тортардилар, сўнг оёқларини уч марта ювардилар. Сенинг амакиваччанг — Ибн Аббос — менинг олдимга келиб сўраган эди, мен унга хабар бердим. У менга: ‹Мен Аллоҳнинг Китобида икки маш ва икки ювишдан бошқасини топмаяпман›, деди».