Abdulloh ibn Busr al-Moziniy (roziyallohu anhu) aytadi: Otam meni Rasululloh ﷺning huzurlariga u zotni taomga daʼvat qilish uchun yubordi, u zot men bilan birga keldilar. Uyga yaqinlashganimda, men shoshib oldinga oʻtdim va ota-onamga xabar berdim. Ular chiqib, Rasululloh ﷺni kutib olishdi va u zotga marhabo aytishdi. Biz u zotga oʻzimizda bor boʻlgan momiqli bir chakmonni toʻshadik, u zot uning ustiga oʻtirdilar. Soʻng otam onamga: «Taomingni keltir», dedi. U bir kosada suv va tuz bilan qorilgan un keltirdi. Men uni Rasululloh ﷺning oldilariga qoʻydim. U zot: «Bismillah aytib, uning chetlaridan olinglar, choʻqqisini qoldiringlar, chunki baraka undadir», dedilar. Rasululloh ﷺ yedilar, biz ham u zot bilan birga yedik, undan ortib ham qoldi. Soʻng Rasululloh ﷺ: «Allohim, ularni magʻfirat qil, ularga rahm qil, ularga baraka ber va rizqlarini keng qil», dedilar.Абдуллоҳ ибн Буср ал-Мозиний (розияллоҳу анҳу) айтади: Отам мени Расулуллоҳ ﷺнинг ҳузурларига у зотни таомга даъват қилиш учун юборди, у зот мен билан бирга келдилар. Уйга яқинлашганимда, мен шошиб олдинга ўтдим ва ота-онамга хабар бердим. Улар чиқиб, Расулуллоҳ ﷺни кутиб олишди ва у зотга марҳабо айтишди. Биз у зотга ўзимизда бор бўлган момиқли бир чакмонни тўшадик, у зот унинг устига ўтирдилар. Сўнг отам онамга: «Таомингни келтир», деди. У бир косада сув ва туз билан қорилган ун келтирди. Мен уни Расулуллоҳ ﷺнинг олдиларига қўйдим. У зот: «Бисмиллаҳ айтиб, унинг четларидан олинглар, чўққисини қолдиринглар, чунки барака ундадир», дедилар. Расулуллоҳ ﷺ едилар, биз ҳам у зот билан бирга едик, ундан ортиб ҳам қолди. Сўнг Расулуллоҳ ﷺ: «Аллоҳим, уларни мағфират қил, уларга раҳм қил, уларга барака бер ва ризқларини кенг қил», дедилар.