Anas (roziyallohu anhu)dan rivoyat qilinadi: Robiʼ — Nazrning qizi — bir qizning tishini sindirdi va Robiʼning qarindoshlari qizning qarindoshlaridan — irsh (jarohat tovoni)ni qabul qilib, (jinoyatchini) kechishni — soʻradi, lekin ular rad etdi. Bas, ular Paygʻambar ﷺ ning oldiga bordi va u zot ulardan qasos (olish)ni buyurdi. Anas ibn Nazr: «Yo Rasululloh! Robiʼning tishi sindiriladimi? Yoʻq, sizni haq bilan yuborgan Zotga qasamki, uning tishi sindirilmaydi!» — dedi. Paygʻambar ﷺ: «Ey Anas! Allohning Kitobi qasosni belgilaydi», — dedilar. Keyinchalik qizning qarindoshlari rozi boʻlib, (jinoyatchini) kechdi. Paygʻambar ﷺ: «Allohning baʼzi bandalari (bor)ki, agar ular Allohga qasam ichsa, Alloh ularning (qasamini) bajaradi», — dedilar. Fazoriy Humayddan, u Anasdan qilgan rivoyatda shuni ziyoda qildi: Qavm rozi boʻlib, irsh (tovon)ni qabul qildi.Анас (розияллоҳу анҳу)дан ривоят қилинади: Робиъ — Назрнинг қизи — бир қизнинг тишини синдирди ва Робиънинг қариндошлари қизнинг қариндошларидан — ирш (жароҳат товони)ни қабул қилиб, (жиноятчини) кечишни — сўради, лекин улар рад этди. Бас, улар Пайғамбар ﷺ нинг олдига борди ва у зот улардан қасос (олиш)ни буюрди. Анас ибн Назр: «Ё Расулуллоҳ! Робиънинг тиши синдириладими? Йўқ, сизни ҳақ билан юборган Зотга қасамки, унинг тиши синдирилмайди!» — деди. Пайғамбар ﷺ: «Эй Анас! Аллоҳнинг Китоби қасосни белгилайди», — дедилар. Кейинчалик қизнинг қариндошлари рози бўлиб, (жиноятчини) кечди. Пайғамбар ﷺ: «Аллоҳнинг баъзи бандалари (бор)ки, агар улар Аллоҳга қасам ичса, Аллоҳ уларнинг (қасамини) бажаради», — дедилар. Фазорий Ҳумайддан, у Анасдан қилган ривоятда шуни зиёда қилди: Қавм рози бўлиб, ирш (товон)ни қабул қилди.