Anas (roziyallohu anhu)dan rivoyat qilinishicha, Urayna (qabilasi)dan bir necha kishi Madinaga keldilar va (uning havosi) ularga yoqmay, kasal boʻlib qoldilar. Shunda Rasululloh ﷺ ularni sadaqa tuyalari oldiga yubordilar va: «Ularning sutlaridan va bavllaridan iching», dedilar. Soʻng ular Rasululloh ﷺning choʻponini oʻldirdilar, tuyalarni haydab ketdilar va Islomdan qaytib (murtad boʻlib) ketdilar. Ular Paygʻambar ﷺning huzurlariga keltirildilar. U zot ularning qoʻl-oyoqlarini qarama-qarshi tomondan kestilar, koʻzlariga (qizdirilgan temir bilan) mil tortdilar va ularni Harra (degan joy)ga tashladilar. Anas aytdi: ‹Men ulardan birini, oʻlguncha, yerni ogʻzi bilan tishlab yotganini koʻrar edim›. Baʼzan Hammod: ‹Yerni ogʻzi bilan tishlab, oʻlib ketdilar›, der edi. Abu Iso aytdi: Bu hadis hasan sahihdir. Bu Anasdan boshqa yoʻllardan ham rivoyat qilingan. Bu koʻpchilik ilm ahlining soʻzidir; ular: ‹Goʻshti yeyiladigan (hayvon)ning bavlida zarar yoʻq›, dedilar.Анас (розияллоҳу анҳу)дан ривоят қилинишича, Урайна (қабиласи)дан бир неча киши Мадинага келдилар ва (унинг ҳавоси) уларга ёқмай, касал бўлиб қолдилар. Шунда Расулуллоҳ ﷺ уларни садақа туялари олдига юбордилар ва: «Уларнинг сутларидан ва бавлларидан ичинг», дедилар. Сўнг улар Расулуллоҳ ﷺнинг чўпонини ўлдирдилар, туяларни ҳайдаб кетдилар ва Исломдан қайтиб (муртад бўлиб) кетдилар. Улар Пайғамбар ﷺнинг ҳузурларига келтирилдилар. У зот уларнинг қўл-оёқларини қарама-қарши томондан кестилар, кўзларига (қиздирилган темир билан) мил тортдилар ва уларни Ҳарра (деган жой)га ташладилар. Анас айтди: ‹Мен улардан бирини, ўлгунча, ерни оғзи билан тишлаб ётганини кўрар эдим›. Баъзан Ҳаммод: ‹Ерни оғзи билан тишлаб, ўлиб кетдилар›, дер эди. Абу Исо айтди: Бу ҳадис ҳасан саҳиҳдир. Бу Анасдан бошқа йўллардан ҳам ривоят қилинган. Бу кўпчилик илм аҳлининг сўзидир; улар: ‹Гўшти ейиладиган (ҳайвон)нинг бавлида зарар йўқ›, дедилар.