Abu Hurayra (roziyallohu anhu)dan rivoyat qilinadi: Rasululloh ﷺ janoza ustida takbir aytib, birinchi takbirda qoʻllarini koʻtardilar va oʻng qoʻlni chap qoʻl ustiga qoʻydilar. Abu Iso aytdi: Bu hadis gʻaribdir, uni faqat shu yoʻl bilangina bilamiz. Ilm ahli bu masalada ixtilof qilganlar. Nabiy ﷺning sahobalaridan va boshqalardan boʻlmish ilm ahlining koʻpchiligi kishi janoza ustida har bir takbirda qoʻllarini koʻtaradi, deb hisoblaganlar. Bu Ibn Muborak, Shofiʼiy, Ahmad va Ishoqning soʻzidir. Baʼzi ilm ahli esa: faqat birinchi martagina qoʻllarini koʻtaradi, deganlar. Bu Savriy va kufaliklarning soʻzidir. Ibn Muborakdan rivoyat qilinishicha, u janoza namozi haqida: oʻng qoʻlini chap qoʻli ustiga qoʻymaydi, degan. Baʼzi ilm ahli esa: namozda qilganidek, oʻng qoʻlini chap qoʻli ustiga qoʻyadi, deb hisoblaganlar. Abu Iso aytdi: (qoʻlni) qoʻyish menga sevimliroqdir.Абу Ҳурайра (розияллоҳу анҳу)дан ривоят қилинади: Расулуллоҳ ﷺ жаноза устида такбир айтиб, биринчи такбирда қўлларини кўтардилар ва ўнг қўлни чап қўл устига қўйдилар. Абу Исо айтди: Бу ҳадис ғарибдир, уни фақат шу йўл билангина биламиз. Илм аҳли бу масалада ихтилоф қилганлар. Набий ﷺнинг саҳобаларидан ва бошқалардан бўлмиш илм аҳлининг кўпчилиги киши жаноза устида ҳар бир такбирда қўлларини кўтаради, деб ҳисоблаганлар. Бу Ибн Муборак, Шофиъий, Аҳмад ва Ишоқнинг сўзидир. Баъзи илм аҳли эса: фақат биринчи мартагина қўлларини кўтаради, деганлар. Бу Саврий ва куфаликларнинг сўзидир. Ибн Муборакдан ривоят қилинишича, у жаноза намози ҳақида: ўнг қўлини чап қўли устига қўймайди, деган. Баъзи илм аҳли эса: намозда қилганидек, ўнг қўлини чап қўли устига қўяди, деб ҳисоблаганлар. Абу Исо айтди: (қўлни) қўйиш менга севимлироқдир.