Abu Hurayra (roziyallohu anhu) Paygʻambar ﷺdan rivoyat qiladi: U zot: «Uni (mayyitni) yuvgan kishiga gʻusl, uni koʻtargan kishiga tahorat (lozim boʻladi)», dedilar. Abu Iso aytdi: Abu Hurayraning hadisi hasan hadisdir. Bu (rivoyat) Abu Hurayradan mavquf holda ham rivoyat qilingan. Ilm ahli mayyitni yuvadigan kishi haqida ixtilof qilishgan: Paygʻambar ﷺ sahobalaridan va boshqalardan baʼzi ilm ahli, kim mayyitni yuvsa, unga gʻusl lozim, deyishgan. Baʼzilari esa, unga tahorat lozim, deyishgan. Molik ibn Anas: Mayyitni yuvgandan keyin gʻusl qilishni mustahab deb bilaman, lekin uni vojib deb koʻrmayman, degan. Shofiiy ham shunday degan. Ahmad: Kim mayyitni yuvsa, unga gʻusl vojib boʻlmasligini umid qilaman, tahorat haqida esa, bu eng kam aytilgan (qavl)dir, degan. Ishoq: Tahorat lozim, albatta, degan. Abdulloh ibn Muborakdan rivoyat qilinishicha, u: Mayyitni yuvgan kishi gʻusl ham, tahorat ham qilmasa, hech qisi yoʻq, degan.Абу Ҳурайра (розияллоҳу анҳу) Пайғамбар ﷺдан ривоят қилади: У зот: «Уни (маййитни) ювган кишига ғусл, уни кўтарган кишига таҳорат (лозим бўлади)», дедилар. Абу Исо айтди: Абу Ҳурайранинг ҳадиси ҳасан ҳадисдир. Бу (ривоят) Абу Ҳурайрадан мавқуф ҳолда ҳам ривоят қилинган. Илм аҳли маййитни ювадиган киши ҳақида ихтилоф қилишган: Пайғамбар ﷺ саҳобаларидан ва бошқалардан баъзи илм аҳли, ким маййитни ювса, унга ғусл лозим, дейишган. Баъзилари эса, унга таҳорат лозим, дейишган. Молик ибн Анас: Маййитни ювгандан кейин ғусл қилишни мустаҳаб деб биламан, лекин уни вожиб деб кўрмайман, деган. Шофиий ҳам шундай деган. Аҳмад: Ким маййитни ювса, унга ғусл вожиб бўлмаслигини умид қиламан, таҳорат ҳақида эса, бу энг кам айтилган (қавл)дир, деган. Ишоқ: Таҳорат лозим, албатта, деган. Абдуллоҳ ибн Муборакдан ривоят қилинишича, у: Маййитни ювган киши ғусл ҳам, таҳорат ҳам қилмаса, ҳеч қиси йўқ, деган.