Oisha (roziyallohu anho)dan rivoyat qilinadi: U: «Emizish orqali (paydo boʻlgan) amakim kelib, oldimga kirishga izn soʻradi. Men Rasululloh ﷺdan soʻramagunimcha unga izn berishdan bosh tortdim. Shunda Rasululloh ﷺ: ‹Oldingga kiraversin, u amakingdir›, dedilar. Men: ‹Meni emizgan ayol edi, erkak emizmagan-ku›, dedim. U zot: ‹Albatta u amakingdir, oldingga kiraversin›, dedilar», dedi. Abu Iso aytdi: Bu hadis hasan sahihdir. Paygʻambar ﷺning sahobalaridan baʼzi ilm ahli va boshqalar huzurida amal shunga binoan boʻlib, ular «erkak suti»ni (yaʼni er suti orqali harom boʻlishni) makruh sanaganlar. Bunda asos Oishaning hadisidir. Baʼzi ilm ahli erkak suti(ning harom qilmasligi)da ruxsat berishgan, biroq birinchi soʻz sahihroqdir.Оиша (розияллоҳу анҳо)дан ривоят қилинади: У: «Эмизиш орқали (пайдо бўлган) амаким келиб, олдимга киришга изн сўради. Мен Расулуллоҳ ﷺдан сўрамагунимча унга изн беришдан бош тортдим. Шунда Расулуллоҳ ﷺ: ‹Олдингга кираверсин, у амакингдир›, дедилар. Мен: ‹Мени эмизган аёл эди, эркак эмизмаган-ку›, дедим. У зот: ‹Албатта у амакингдир, олдингга кираверсин›, дедилар», деди. Абу Исо айтди: Бу ҳадис ҳасан саҳиҳдир. Пайғамбар ﷺнинг саҳобаларидан баъзи илм аҳли ва бошқалар ҳузурида амал шунга биноан бўлиб, улар «эркак сути»ни (яъни эр сути орқали ҳаром бўлишни) макруҳ санаганлар. Бунда асос Оишанинг ҳадисидир. Баъзи илм аҳли эркак сути(нинг ҳаром қилмаслиги)да рухсат беришган, бироқ биринчи сўз саҳиҳроқдир.