Anas (roziyallohu anhu)dan rivoyat qilinadi: Andan qon oluvchining (hajjom) kasbi haqida soʻraldi. Shunda Anas: «Rasululloh ﷺga qon oldirildi, unga Abu Tayba qon oldi. U zot unga ikki soʼ taom berishni buyurdilar va uning (xoʻjayinlari) bilan gaplashdilar, ular esa undan oʻz xirojlarini (yengillatib) tushirdilar. Hamda u zot: ‹Albatta, davolanadigan narsalaringizning eng afzali — qon oldirishdir› yoki ‹Albatta, davolaringizning eng yaxshilaridan biri — qon oldirishdir›, dedilar», dedi. (Abu Iso) aytdi: Bu bobda Ali, Ibn Abbos va Ibn Umardan ham (rivoyatlar) bor. Abu Iso aytdi: Anasning hadisi hasan sahih hadisdir. Paygʻambar ﷺ ashoblaridan va boshqa ilm ahlidan baʼzilari qon oluvchining kasbiga ruxsat berganlar. Bu Shofeiyning soʻzidir.Анас (розияллоҳу анҳу)дан ривоят қилинади: Андан қон олувчининг (ҳажжом) касби ҳақида сўралди. Шунда Анас: «Расулуллоҳ ﷺга қон олдирилди, унга Абу Тайба қон олди. У зот унга икки сў таом беришни буюрдилар ва унинг (хўжайинлари) билан гаплашдилар, улар эса ундан ўз хирожларини (енгиллатиб) туширдилар. Ҳамда у зот: ‹Албатта, даволанадиган нарсаларингизнинг энг афзали — қон олдиришдир› ёки ‹Албатта, даволарингизнинг энг яхшиларидан бири — қон олдиришдир›, дедилар», деди. (Абу Исо) айтди: Бу бобда Али, Ибн Аббос ва Ибн Умардан ҳам (ривоятлар) бор. Абу Исо айтди: Анаснинг ҳадиси ҳасан саҳиҳ ҳадисдир. Пайғамбар ﷺ ашобларидан ва бошқа илм аҳлидан баъзилари қон олувчининг касбига рухсат берганлар. Бу Шофеийнинг сўзидир.