Abu Hurayra (roziyallohu anhu)dan rivoyat qilinadiki, bir kishi Rasululloh ﷺdan qarzini talab qilib, u zotga qoʻpollik qildi. Shunda sahobalar unga (gap qaytarmoqchi) boʻlishdi. Rasululloh ﷺ: «Uni qoʻyib beringlar, chunki haq egasiga (gapirishga) soʻz (haqqi) bor», dedilar. Soʻng: «Unga bir tuya sotib olib beringlar», dedilar. Ular izlashdi, ammo uning tuyasidan koʻra yaxshiroq (yoshdagi) tuyadan boshqasini topisholmadi. Shunda u zot: «Uni sotib olib beringlar, chunki sizlarning eng yaxshilaringiz — qarzni eng chiroyli ado etganlaringizdir», dedilar.Абу Ҳурайра (розияллоҳу анҳу)дан ривоят қилинадики, бир киши Расулуллоҳ ﷺдан қарзини талаб қилиб, у зотга қўполлик қилди. Шунда саҳобалар унга (гап қайтармоқчи) бўлишди. Расулуллоҳ ﷺ: «Уни қўйиб беринглар, чунки ҳақ эгасига (гапиришга) сўз (ҳаққи) бор», дедилар. Сўнг: «Унга бир туя сотиб олиб беринглар», дедилар. Улар излашди, аммо унинг туясидан кўра яхшироқ (ёшдаги) туядан бошқасини топишолмади. Шунда у зот: «Уни сотиб олиб беринглар, чунки сизларнинг энг яхшиларингиз — қарзни энг чиройли адо этганларингиздир», дедилар.