Uboda ibn Somit (roziyallohu anhu)dan rivoyat qilinadi: Rasululloh ﷺ: «Mendan oling! Albatta Alloh ular uchun yoʻl ochib berdi: uylik kishi uylik (ayol) bilan (zino qilsa) — yuz qamchi, soʻng toshboʻron; boʻydoq boʻydoq (ayol) bilan (zino qilsa) — yuz qamchi va bir yil surgun», dedilar. Abu Iso aytdi: Bu hasan sahih hadisdir. Nabiy ﷺ sahobalaridan baʼzi ilm ahli — ular orasida Ali ibn Abu Tolib, Ubay ibn Kaʼb, Abdulloh ibn Masʼud va boshqalar shu boʻyicha amal qilib: «Uylik kishi qamchilanadi va toshboʻron qilinadi», deganlar. Baʼzi ilm ahli shunga ketganlar, bu Ishoqning soʻzidir. Nabiy ﷺ sahobalaridan baʼzi ilm ahli — ular orasida Abu Bakr, Umar va boshqalar: «Uylik kishiga faqat toshboʻron boʻladi, qamchilanmaydi», deganlar. Nabiy ﷺdan Moiz qissasi va boshqasida bir necha hadisda shu kabi, yaʼni u zot toshboʻronga buyurgani va toshboʻrondan oldin qamchilashga buyurmagani rivoyat qilingan. Baʼzi ilm ahli shu boʻyicha amal qilgan, bu Sufyon as-Savriy, Ibn Muborak, Shofiiy va Ahmadning soʻzidir.Убода ибн Сомит (розияллоҳу анҳу)дан ривоят қилинади: Расулуллоҳ ﷺ: «Мендан олинг! Албатта Аллоҳ улар учун йўл очиб берди: уйлик киши уйлик (аёл) билан (зино қилса) — юз қамчи, сўнг тошбўрон; бўйдоқ бўйдоқ (аёл) билан (зино қилса) — юз қамчи ва бир йил сургун», дедилар. Абу Исо айтди: Бу ҳасан саҳиҳ ҳадисдир. Набий ﷺ саҳобаларидан баъзи илм аҳли — улар орасида Али ибн Абу Толиб, Убай ибн Каъб, Абдуллоҳ ибн Масъуд ва бошқалар шу бўйича амал қилиб: «Уйлик киши қамчиланади ва тошбўрон қилинади», деганлар. Баъзи илм аҳли шунга кетганлар, бу Ишоқнинг сўзидир. Набий ﷺ саҳобаларидан баъзи илм аҳли — улар орасида Абу Бакр, Умар ва бошқалар: «Уйлик кишига фақат тошбўрон бўлади, қамчиланмайди», деганлар. Набий ﷺдан Моиз қиссаси ва бошқасида бир неча ҳадисда шу каби, яъни у зот тошбўронга буюргани ва тошбўрондан олдин қамчилашга буюрмагани ривоят қилинган. Баъзи илм аҳли шу бўйича амал қилган, бу Суфён ас-Саврий, Ибн Муборак, Шофиий ва Аҳмаднинг сўзидир.