Abu Bakr ibn an-Nazr ibn Abun-Nazr bizga hadis aytdi: Hajjoj ibn Muhammad bizga hadis aytdi. U aytdi: Ibn Jurayj aytdi: Nofiʼ bizga xabar berdi, u Ibn Umar (roziyallohu anhumo)dan rivoyat qildi. U aytdi: Musulmonlar Madinaga kelganlarida toʻplanib, namozlarning vaqtini chamalab kutar edilar, lekin uni hech kim nido qilmasdi (azon aytmasdi). Bir kuni shu haqda gaplashdilar. Baʼzilari: «Nasorolarning qoʻngʻirogʻiga oʻxshash qoʻngʻiroq tutinglar», dedi. Baʼzilari: «Yahudiylarning shoxiga oʻxshash shox (karnay) tutinglar», dedi. U aytdi: Shunda Umar ibn al-Xattob: «Bir kishini yuborib, namozga nido qildirsangiz boʻlmaydimi?» dedi. U aytdi: Shunda Rasululloh ﷺ: «Ey Bilol, tur va namozga nido qilgin (azon ayt)», dedilar. Abu Iso aytdi: Bu Ibn Umarning hadisidan hasan sahih gʻarib hadisdir.Абу Бакр ибн ан-Назр ибн Абун-Назр бизга ҳадис айтди: Ҳажжож ибн Муҳаммад бизга ҳадис айтди. У айтди: Ибн Журайж айтди: Нофиъ бизга хабар берди, у Ибн Умар (розияллоҳу анҳумо)дан ривоят қилди. У айтди: Мусулмонлар Мадинага келганларида тўпланиб, намозларнинг вақтини чамалаб кутар эдилар, лекин уни ҳеч ким нидо қилмасди (азон айтмасди). Бир куни шу ҳақда гаплашдилар. Баъзилари: «Насороларнинг қўнғироғига ўхшаш қўнғироқ тутинглар», деди. Баъзилари: «Яҳудийларнинг шохига ўхшаш шох (карнай) тутинглар», деди. У айтди: Шунда Умар ибн ал-Хаттоб: «Бир кишини юбориб, намозга нидо қилдирсангиз бўлмайдими?» деди. У айтди: Шунда Расулуллоҳ ﷺ: «Эй Билол, тур ва намозга нидо қилгин (азон айт)», дедилар. Абу Исо айтди: Бу Ибн Умарнинг ҳадисидан ҳасан саҳиҳ ғариб ҳадисдир.