Baro (roziyallohu anhumo) — u yolgʻonchi emas edi — aytdi: Biz Rasululloh ﷺning orqalarida namoz oʻqiganimizda, u zot rukudan boshlarini koʻtarganlarida, bizdan birorta kishi Rasululloh ﷺ sajdaga ketmagunlaricha orqasini egmas edi, soʻng (u zot sajda qilganlarida) biz sajda qilardik. (Abu Iso) aytdi: Bu bobda Anas, Muoviya, qoʻshinlar sohibi Ibn Masʼada va Abu Hurayradan ham (rivoyatlar) bor. Abu Iso aytdi: Baroning hadisi hasan sahih hadisdir. Ilm ahli shuni aytadilar: imomning orqasidagilar uning qilgan ishida unga ergashadilar, faqat u rukuʼ qilgandan keyingina rukuʼ qiladilar va faqat u bosh koʻtargandan keyingina bosh koʻtaradilar. Biz bu xususda ularning orasida ixtilof borligini bilmaymiz.Баро (розияллоҳу анҳумо) — у ёлғончи эмас эди — айтди: Биз Расулуллоҳ ﷺнинг орқаларида намоз ўқиганимизда, у зот рукудан бошларини кўтарганларида, биздан бирорта киши Расулуллоҳ ﷺ саждага кетмагунларича орқасини эгмас эди, сўнг (у зот сажда қилганларида) биз сажда қилардик. (Абу Исо) айтди: Бу бобда Анас, Муовия, қўшинлар соҳиби Ибн Масъада ва Абу Ҳурайрадан ҳам (ривоятлар) бор. Абу Исо айтди: Баронинг ҳадиси ҳасан саҳиҳ ҳадисдир. Илм аҳли шуни айтадилар: имомнинг орқасидагилар унинг қилган ишида унга эргашадилар, фақат у рукуъ қилгандан кейингина рукуъ қиладилар ва фақат у бош кўтаргандан кейингина бош кўтарадилар. Биз бу хусусда уларнинг орасида ихтилоф борлигини билмаймиз.