Abu Hurayra (roziyallohu anhu)dan rivoyat qilinadi: Rasululloh ﷺ: «Jannat eshiklari dushanba va payshanba kunlari ochiladi, ana shu kunlarda Allohga hech narsani sherik qilmagan har bir kishi magʻfirat qilinadi, faqat bir-biri bilan qahrlashib yuzlashmay qoʻyganlardan boshqa. (Ular haqida): ‹Bu ikkovini yarashib olgunlaricha qoldiringlar›, deyiladi», dedilar. Abu Iso aytdi: Bu hadis hasan sahihdir. Baʼzi rivoyatlarda: «Bu ikkovini yarashib olgunlaricha tark etinglar», deb keladi. Abu Iso aytdi: «al-Muhtajirayn» soʻzining maʼnosi — bir-biri bilan aloqani uzganlar, demakdir. Bu xuddi Nabiy ﷺdan rivoyat qilingan: «Musulmon kishiga oʻz birodaridan uch kundan ortiq yuz oʻgirib yurishi halol emas», degan hadisga oʻxshashdir.Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «Жаннат эшиклари душанба ва пайшанба кунлари очилади, ана шу кунларда Аллоҳга ҳеч нарсани шерик қилмаган ҳар бир киши мағфират қилинади, фақат бир-бири билан қаҳрлашиб юзлашмай қўйганлардан бошқа. (Улар ҳақида): ‹Бу икковини ярашиб олгунларича қолдиринглар›, дейилади», дедилар. Абу Исо айтди: Бу ҳадис ҳасан саҳиҳдир. Баъзи ривоятларда: «Бу икковини ярашиб олгунларича тарк этинглар», деб келади. Абу Исо айтди: «ал-Муҳтажирайн» сўзининг маъноси — бир-бири билан алоқани узганлар, демакдир. Бу худди Набий ﷺдан ривоят қилинган: «Мусулмон кишига ўз биродаридан уч кундан ортиқ юз ўгириб юриши ҳалол эмас», деган ҳадисга ўхшашдир.