Abu Said al-Xudriy (roziyallohu anhu)dan rivoyat qilinadi: Ansorlardan baʼzi kishilar Nabiy ﷺdan (biror narsa) soʻrashdi, u zot ularga berdilar. Soʻng yana soʻrashdi, u zot yana berdilar. Keyin u zot: «Mende qanday yaxshilik boʻlsa, men uni sizlardan aslo yashirib qoʻymayman. Kim (soʻrashdan) bezor boʻlib, oʻzini behojat tutsa, Alloh uni behojat qiladi; kim iffatli boʻlishni istasa, Alloh uni iffatli qiladi; kim sabr qilishga urinsa, Alloh unga sabr ato etadi. Hech kimga sabrdan koʻra yaxshiroq va kengroq narsa berilmagandir», dedilar. Abu Iso aytdi: Bu bobda Anasdan ham (rivoyat) bor. Bu hadis hasan sahihdir. Bu hadis Molikdan «falan adda-haho ankum» (men uni sizlardan asramayman) shaklida ham rivoyat qilingan, maʼnosi esa bir xil: men uni sizlardan tutib qolmayman, demakdir.Абу Саид ал-Худрий (розияллоҳу анҳу)дан ривоят қилинади: Ансорлардан баъзи кишилар Набий ﷺдан (бирор нарса) сўрашди, у зот уларга бердилар. Сўнг яна сўрашди, у зот яна бердилар. Кейин у зот: «Менде қандай яхшилик бўлса, мен уни сизлардан асло яшириб қўймайман. Ким (сўрашдан) безор бўлиб, ўзини беҳожат тутса, Аллоҳ уни беҳожат қилади; ким иффатли бўлишни истаса, Аллоҳ уни иффатли қилади; ким сабр қилишга уринса, Аллоҳ унга сабр ато этади. Ҳеч кимга сабрдан кўра яхшироқ ва кенгроқ нарса берилмагандир», дедилар. Абу Исо айтди: Бу бобда Анасдан ҳам (ривоят) бор. Бу ҳадис ҳасан саҳиҳдир. Бу ҳадис Моликдан «фалан адда-ҳаҳо анкум» (мен уни сизлардан асрамайман) шаклида ҳам ривоят қилинган, маъноси эса бир хил: мен уни сизлардан тутиб қолмайман, демакдир.