حَدَّثَنَا الْحَسَنُ بْنُ عَرَفَةَ, قال حَدَّثَنَا يَزِيدُ بْنُ هَارُونَ، عَنْ سُفْيَانَ الثَّوْرِيِّ، عَنْ أَبِي قَيْسٍ الأَوْدِيِّ، عَنْ هُزَيْلِ بْنِ شُرَحْبِيلَ، قَالَ جَاءَ رَجُلٌ إِلَى أَبِي مُوسَى وَسَلْمَانَ بْنِ رَبِيعَةَ فَسَأَلَهُمَا عَنْ الاِبْنَةِ، وَابْنَةِ الاِبْنِ، وَأُخْتٍ، لأَبٍ وَأُمٍّ فَقَالاَ لِلاِبْنَةِ النِّصْفُ وَلِلأُخْتِ مِنَ الأَبِ وَالأُمِّ مَا بَقِيَ . وَقَالاَ لَهُ انْطَلِقْ إِلَى عَبْدِ اللَّهِ فَاسْأَلْهُ فَإِنَّهُ سَيُتَابِعُنَا . فَأَتَى عَبْدَ اللَّهِ فَذَكَرَ ذَلِكَ لَهُ وَأَخْبَرَهُ بِمَا قَالاَ قَالَ عَبْدُ اللَّهِ قَدْ ضَلَلْتُ إِذًا وَمَا أَنَا مِنَ الْمُهْتَدِينَ وَلَكِنْ أَقْضِي فِيهِمَا كَمَا قَضَى رَسُولُ اللَّهِ صلى الله عليه وسلم لِلاِبْنَةِ النِّصْفُ وَلاِبْنَةِ الاِبْنِ السُّدُسُ تَكْمِلَةَ الثُّلُثَيْنِ وَلِلأُخْتِ مَا بَقِيَ . قَالَ أَبُو عِيسَى هَذَا حَدِيثٌ حَسَنٌ . وَأَبُو قَيْسٍ الأَوْدِيُّ اسْمُهُ عَبْدُ الرَّحْمَنِ بْنُ ثَرْوَانَ الْكُوفِيُّ وَقَدْ رَوَاهُ شُعْبَةُ عَنْ أَبِي قَيْسٍ .
Huzayl ibn Shurahbil (rahimahulloh)dan rivoyat qilinadi: Bir kishi Abu Muso va Salmon ibn Robiʼa huzuriga kelib, ulardan bir qiz, oʻgʻilning qizi va ota-bir, ona-bir opa (haqida meros ulushini) soʻradi. Ular: «Qizga yarmi, ota-bir, ona-bir opaga qolgani (tegishli)», dedilar. Hamda unga: «Abdulloh (ibn Masʼud)ning oldiga borib soʻragin, u albatta bizga muvofiq (javob) beradi», dedilar. U Abdullohning oldiga kelib, buni unga aytdi va ularning aytganlarini xabar berdi. Abdulloh: «Unday boʻlsa, men adashibman va hidoyat topganlardan boʻlmayman. Balki men bu (ikkisi) haqida Rasululloh ﷺ hukm qilganlaridek hukm qilaman: qizga yarmi, oʻgʻilning qiziga uchdan ikki ulushni toʻldirish uchun oltidan biri, opaga esa qolgani (tegishli)dir», dedi. Abu Iso aytdi: Bu hadis hasandir. Abu Qays al-Avdiyning ismi Abdurrahmon ibn Sarvon al-Kufiydir. Buni Shuʼba ham Abu Qaysdan rivoyat qilgan.Ҳузайл ибн Шураҳбил (раҳимаҳуллоҳ)дан ривоят қилинади: Бир киши Абу Мусо ва Салмон ибн Робиъа ҳузурига келиб, улардан бир қиз, ўғилнинг қизи ва ота-бир, она-бир опа (ҳақида мерос улушини) сўради. Улар: «Қизга ярми, ота-бир, она-бир опага қолгани (тегишли)», дедилар. Ҳамда унга: «Абдуллоҳ (ибн Масъуд)нинг олдига бориб сўрагин, у албатта бизга мувофиқ (жавоб) беради», дедилар. У Абдуллоҳнинг олдига келиб, буни унга айтди ва уларнинг айтганларини хабар берди. Абдуллоҳ: «Ундай бўлса, мен адашибман ва ҳидоят топганлардан бўлмайман. Балки мен бу (иккиси) ҳақида Расулуллоҳ ﷺ ҳукм қилганларидек ҳукм қиламан: қизга ярми, ўғилнинг қизига учдан икки улушни тўлдириш учун олтидан бири, опага эса қолгани (тегишли)дир», деди. Абу Исо айтди: Бу ҳадис ҳасандир. Абу Қайс ал-Авдийнинг исми Абдурраҳмон ибн Сарвон ал-Куфийдир. Буни Шуъба ҳам Абу Қайсдан ривоят қилган.