Ibn Abbos (roziyallohu anhumo)dan rivoyat qilinadi: U dedi: «Paygʻambar ﷺ vitrda {Sabbihisma robbikal aʼlaa} (Aʼlo surasi), {Qul yaa ayyuhal kaafirun} (Kofirun surasi) va {Qul huvalloohu ahad} (Ixlos surasi)ni har bir rakaatda (bittadan) oʻqir edilar.» Abu Iso aytdi: Bu bobda Ali, Oisha hamda Abdurrahmon ibn Abzodan, u Ubay ibn Kaʼbdan (rivoyatlar) bor; yana Abdurrahmon ibn Abzodan, u Paygʻambar ﷺdan rivoyat qilinadi. Abu Iso aytdi: Paygʻambar ﷺdan rivoyat qilinishicha, u zot vitrda uchinchi rakaatda muavvizatayn (Falaq va Nos)ni va {Qul huvalloohu ahad}ni oʻqir edilar. Paygʻambar ﷺ sahobalaridan va ulardan keyingilardan boʻlgan koʻpchilik ilm ahli ixtiyor qilgan narsa shuki, {Sabbihisma robbikal aʼlaa}, {Qul yaa ayyuhal kaafirun} va {Qul huvalloohu ahad} oʻqiladi; bulardan har rakaatda bittadan sura oʻqiladi.Ибн Аббос (розияллоҳу анҳумо)дан ривоят қилинади: У деди: «Пайғамбар ﷺ витрда {Саббиҳисма роббикал аълаа} (Аъло сураси), {Қул яа айюҳал каафирун} (Кофирун сураси) ва {Қул ҳуваллооҳу аҳад} (Ихлос сураси)ни ҳар бир ракаатда (биттадан) ўқир эдилар.» Абу Исо айтди: Бу бобда Али, Оиша ҳамда Абдурраҳмон ибн Абзодан, у Убай ибн Каъбдан (ривоятлар) бор; яна Абдурраҳмон ибн Абзодан, у Пайғамбар ﷺдан ривоят қилинади. Абу Исо айтди: Пайғамбар ﷺдан ривоят қилинишича, у зот витрда учинчи ракаатда муаввизатайн (Фалақ ва Нос)ни ва {Қул ҳуваллооҳу аҳад}ни ўқир эдилар. Пайғамбар ﷺ саҳобаларидан ва улардан кейингилардан бўлган кўпчилик илм аҳли ихтиёр қилган нарса шуки, {Саббиҳисма роббикал аълаа}, {Қул яа айюҳал каафирун} ва {Қул ҳуваллооҳу аҳад} ўқилади; булардан ҳар ракаатда биттадан сура ўқилади.